Ashtottarashatopanishad 152
Aṣṭottaraśatopaniṣad 152
- Language
- Sanskrit
Contents
- 152.50 — 1 part
152.1
mahāviṣṇoḥ samastāsādhāraṇacihnacihnita evamupāsakaḥ sudarśanapuruṣaṃ
dhyātvā vividhopacārairārādhya pradakṣiṇanamaskārān vidhāyopāsakastenābhipūjitastadanujñātaśca uparyupari gatvā paramānandamayān anantavaikuṇṭhān avalokya upāsakaḥ paramānandaṃ prāpa
152.1-2
5
tata upari vividhavicitrānantacidvilāsavibhūtiviśeṣānatikramya anantaparamānandavibhūtisamaṣṭiviśeṣān anantaniratiśayānandasamudrānatītya
upāsakaḥ krameṇādvaitasaṃsthānaṃ prāpa
152.1-3
6
kathamadvaitasaṃsthānam
akhaṇḍānandasvarūpam anirvācyam amitabodhasāgaram amitānandasamudraṃ vijātīyaviśeṣavivarjitaṃ sajātīyaviśeṣaviśeṣitaṃ niravayavaṃ nirādhāraṃ nirvikāraṃ nirañjanam anantabrahmānandasamaṣṭikandaṃ paramacidvilāsasamaṣṭyākāraṃ nirmalaṃ niravadyaṃ nirāśrayam
atinirmalānantakoṭiraviprakāśaikasphuliṅgam anantopaniṣadarthasvarūpam
akhilapramāṇātītaṃ manovācāmagocaraṃ nityamuktasvarūpam anādhāram
ādimadhyāntaśūnyaṃ kaivalyaṃ paramaṃ śāntaṃ sūkṣmāt sūkṣmataraṃ mahato mahattaram
amitānandaviśeṣaṃ śuddhabodhānandavibhūtiviśeṣam anantānandavibhūtiviśeṣasamaṣṭirūpam akṣaram anirdeśyam kūṭastham acalaṃ dhruvam
adigdeśakālam antarbahiśca tat sarvaṃ vyāpya paripūrṇaṃ paramayogibhirvimṛgyaṃ deśataḥ kālato vastutaḥ paricchedarahitaṃ nirantarābhinavaṃ nityaparipūrṇam akhaṇḍānandāmṛtaviśeṣaṃ śāśvataṃ paramaṃ padaṃ niratiśayānandānantataṭitparvatākāram advitīyaṃ svayaṃprakāśam aniśaṃ jvalati
152.1-4
7
paramānandalakṣaṇāparicchinnānantaparaṃjyotiḥ śāśvataṃ śaśvadvibhāti
152.1-5
8
tadabhyantarasaṃsthāne amitānandacidrūpācalam akhaṇḍaparamānandaviśeṣaṃ
bodhānandamahojjvalaṃ nityamaṅgalamandiraṃ cinmathanāvirbhūtacitsāram
anantāścaryasāgaram amitatejorāśyantargatatejoviśeṣam anantānandapravāhairalaṅkṛtaṃ niratiśayānandapārāvārākāraṃ nirupamanityaniravadyaniratiśayaniravadhikatejorāśiviśeṣaṃ niratiśayānandasahastraprākārairalaṅkṛtaṃ śuddhabodhasaudhāvaliviśeṣairalaṅkṛtaṃ cidānandamayānantadivyārāmaiḥ
suśobhitaṃ śaśvadamitapuṣpavṛṣṭibhiḥ samantataḥ santatam
152.120
9
tadeva tripādvibhūtivaikuṇṭhasthānam| tadeva paramakaivalyam| tadevābādhitaparamatattvam| tadevānantopaniṣadvimṛgyam| tadeva paramayogibhirmumukṣubhiḥ
sarvairāśāsyamānam| tadeva sadghanam| tadeva cidghanam| tadevānandaghanam| tadeva śuddhabodhaghanaviśeṣam akhaṇḍānandabrahmacaitanyādhidevatāsvarūpam| sarvādhiṣṭhānam advayaparabrahmavihāramaṇḍalaṃ niratiśayānandatejomaṇḍalam advaitaparamānandalakṣaṇaparabrahmaṇaḥ paramādhiṣṭhānamaṇḍalaṃ niratiśayaparamānandaparamamūrtiviśeṣamaṇḍalam anantaparamamūrtisamaṣṭimaṇḍalaṃ
niratiśayaparamānandalakṣaṇaparabrahmaṇaḥ paramamūrtiparamatattvavilāsaviśeṣamaṇḍalaṃ bodhānandamayānantaparamavilāsavibhūtiviśeṣasamaṣṭimaṇḍalam
anantacidvilāsavibhūtiviśeṣasamaṣṭimaṇḍalam akhaṇḍaśuddhacaitanyanijamūrtiviśeṣavigrahaṃ vācāmagocarānantaśuddhabodhaviśeṣavigraham anantānandasamudrasamaṣṭyākāram anantabodhācalairanantabodhānandācalairadhiṣṭhitaṃ
niratiśayānandaparamamaṅgalaviśeṣasamaṣṭyākāraṃ akhaṇḍādvaitaparamānandalakṣaṇaparabrahmaṇaḥ paramamūrtiparamatejaḥpuñjapiṇḍaviśeṣaṃ cidrūpādityamaṇḍalaṃ
dvātriṃśadvyūhabhedairadhiṣṭhitam| vyūhabhedāśca keśavādicaturviṃśatiḥ sudarśanādinyāsamantrāḥ (sudarśanādiyantroddhāraḥ)| anantagaruḍaviṣvaksenāśca
niratiśayānandaśca
152.121
ānandavyūhamadhye sahasrakoṭiyojanāyatonnatacinmayaprāsādaṃ brahmānandamayavimānakoṭibhiratimaṅgalam anantopaniṣadarthārāmajālasaṅkulaṃ sāmahaṃsakūjitairatiśobhitam ānandamayānantaśikharairalaṅkṛtaṃ cidānandarasanirjharairabhivyāptaṃ akhaṇḍānandatejorāśyantarasthitam anantānandāścaryasāgaram
152.122
tadabhyantarasaṃsthāne anantakoṭiraviprakāśātiśayaprākāraṃ niratiśayānandalakṣaṇaṃ praṇavākhyaṃ vimānaṃ virājate| śatakoṭiśikharairānandamayaiḥ
samujjvalati
152.123
tadantarāle bodhānandācaloparyaṣṭākṣarīmaṇḍapo vibhāti
152.124
tanmadhye ca cidānandamayavedikā ānandavanavibhūṣitā
152.125
tadupari jvalati niratiśayānandatejorāśiḥ
152.126
tadabhyantarasaṃsthāne aṣṭākṣarīpadmavibhūṣitaṃ cinmayāsanaṃ virājate
152.27
praṇavakarṇikāyāṃ sūryenduvahnimaṇḍalāni cinmayāni jvalanti
152.28
tatrākhaṇḍānandatejorāśyantargataṃ paramamaṅgalākāramanantāsanaṃ
virājate
152.29
tasyopari ca mahāyantraṃ prajvalati| niratiśayabrahmānandaparamamūrtimahāyantraṃ
samastabrahmatejorāśisamaṣṭirūpaṃ citsvarūpaṃ nirañjanaṃ parabrahmasvarūpaṃ
parabrahmaṇaḥ paramarahasyakaivalyaṃ mahāyantramayaparamavaikuṇṭhanārāyaṇayantraṃ
vijayate
152.30
tatsvarūpaṃ kathamiti | deśikastatheti hovāca—
ādau ṣaṭkoṇacakram| tanmadhye ṣaḍdalapadmam| tatkarṇikāyāṃ praṇavaṃ oṃ
miti| praṇavamadhye nārāyaṇabījamiti| tatsādhyagarbhitaṃ—mama sarvābhīṣṭasiddhiṃ kurukuru svāheti| tatpadmadaleṣu viṣṇunṛsiṃhaṣaḍakṣaramantrau—
oṃ namo viṣṇave, aiṃ klīṃ śrīṃ hīṃ kṣmyauṃphaṭ| taddalakapoleṣu
rāmakṛṣṇaṣaḍakṣaramantrau—rāṃ rāmāya namaḥ, klīṃ kṛṣṇāya namaḥ| ṣaṭkoṇeṣu
sudarśanaṣaḍakṣaramantraḥ—sahasrāra huṃ phaḍiti| ṣaṭkoṇakapoleṣu praṇavayuktaśivapañcākṣaramantraḥ—oṃ namaḥ śivāyeti
152.31
tadbahiḥ praṇavamālāyuktaṃ vṛttam| vṛttādbahiraṣṭadalapadmam| teṣu daleṣu
nārāyaṇanṛsiṃhāṣṭākṣaramantrau—oṃ namo nārāyaṇāya, jayajaya narasiṃha
taddalasandhiṣu rāmakṛṣṇaśrīkarāṣṭākṣaramantrāḥ—oṃ rāmāya huṃ phaṭ svāhā,
klīṃ dāmodarāya namaḥ, uttiṣṭha śrīkara svāhā
152.32
tadbahiḥ praṇavamālāyuktaṃ vṛttam| vṛttādbahirnavadalapadmam| teṣu daleṣu
rāmakṛṣṇahayagrīvanavākṣaramantrāḥ—oṃ rāmacandrāya namaḥ oṃ klīṃ kṛṣṇāya
govindāya klīm| 'hasauṃ hayagrīvāya namo hasaum| taddalakapoleṣu
dakṣiṇāmūrtinavākṣaramantraḥ—oṃ dakṣiṇāmūrtiratarom
152.33
tadbahirnārāyaṇabījayuktaṃ vṛttam| vṛttādbahirdaśadalapadmam| teṣu daleṣu
rāmakṛṣṇadaśākṣaramantrau—huṃ jānakīvallabhāya svāhā, gopījanavallabhāya
svāhā| taddalasandhiṣu nṛsiṃhamālāmantraḥ—oṃ namo bhagavate śrīmahānṛsiṃhāya karāladaṃṣṭravadanāya mama vighnān pacapaca svāhā
152.34
tadbahirnṛsiṃhaikākṣarayuktaṃ vṛttam—kṣmryauṃ ityekākṣaram| vṛttādbahirdvādaśadalapadmam| teṣu daleṣu nārāyaṇavāsudevadvādaśākṣaramantrau—oṃ namo
bhagavate nārāyaṇāya, oṃ namo bhagavate vāsudevāya| taddalakapoleṣu mahāviṣṇurāmakṛṣṇadvādaśākṣaramantrāśca—oṃ namo bhagavate mahāviṣṇave, oṃ hīṃ
bharatāgraja rāma klīṃ svāhā, śrīṃ hīṃ klīṃ kṛṣṇāya govindāya
namaḥ
152.35
tadbahirjaganmohanabījayuktaṃ vṛttaṃ—klīmiti| vṛttādbahiścaturdaśadalapadmam| teṣu daleṣu lakṣmīnārāyaṇahayagrīvagopāladadhivāmanamantrāśca—oṃ
hīṃ hīṃ śrīṃ śrīṃ lakṣmīvāsudevāya namaḥ, oṃ namaḥ sarvakoṭisarvavidyārājāya, klīṃ kṛṣṇāya gopālacūḍāmaṇaye svāhā, oṃ namo bhagavate
dadhivāmanāya| taddalasandhiṣvannapūrṇeśvarīmantraḥ—hīṃ padmāvatyannapūrṇa
māheśvari svāhā
152.36
tadbahiḥ praṇavamālāyuktaṃ vṛttam| vṛttādbahiḥ ṣoḍaśadalapadmam| teṣu daleṣu
śrīkṛṣṇasudarśanaṣoḍaśākṣaramantrau ca—oṃ namo bhagavate rukmiṇīvallabhāya svāhā, oṃ namo bhagavate mahāsudarśanāya huṃ phaṭ| taddalasaṃdhiṣu svarāḥ
sudarśanamālāmantrāḥ—aṃāṃiīṃuṃūṃṛṃṝṃḹṃlṛṃḹṃeṃaiṃoṃauṃaṃaḥ, sudarśanamahācakrāya dīptarūpāya sarvato māṃ rakṣarakṣa sahasrāra huṃ phaṭ svāhā
152.37
tadbahirvarāhabījayuktaṃ vṛttaṃ—taddhumiti| vṛttādbahiraṣṭādaśadalapadmam
teṣu daleṣu śrīkṛṣṇavāmanāṣṭādaśākṣaramantrau—klīṃ kṛṣṇāya govindāya
gopījanavallabhāya svāhā, oṃ namo viṣṇave surapataye mahābalāya
svāhā| taddalakapoleṣu garuḍapañcākṣarīmantro garuḍamālāmantraśca—kṣipa oṃ
svāhā, oṃ namaḥ pakṣirājāya sarvaviṣabhūtarakṣaḥkṛtyā''dibhedanāya
sarveṣṭasādhakāya svāhā
152.38
tadbahirmāyābījayuktaṃ vṛttaṃ—hrīmiti| vṛttādbahiḥ punaraṣṭadalapadmam
teṣu daleṣu śrīkṛṣṇavāmanāṣṭākṣaramantrau—oṃ namo dāmodarāya, oṃ
vāmanāya namaḥ oṃ| tadlakapoleṣu nīlakaṇṭhatryakṣarīgaruḍapañcākṣarīmantrau
ca—preṃ rīṃ ṭhaḥ, namo'ṇḍajāya
152.39
tadbahirmanmathabījayuktaṃ vṛttam| vṛttādbahiścaturviṃśatidalapadmam| teṣu
daleṣu śaraṇāgatanārāyaṇamantrau nārāyaṇahayagrīvagāyatrīmantrau ca—
śrīmannārāyaṇacaraṇau śaraṇaṃ prapadye, śrīmate nārāyaṇāya namaḥ, nārāyaṇāya
vidmahe evagrīvāya dhīmahi tanno viṣṇuḥ pracodayāt| vāgīśvarāya vidmahe
hayagrīvāya dhīmahi tanno haṃsaḥ pracodayāt| tadlakapoleṣu nṛsiṃhasudarśanabrahmagāyatrīmantrāśca—vajranakhāya vidmahe tīkṣṇadaṃṣṭrāya dhīmahi tannaḥ
siṃhaḥ pracodayāt, sudarśanāya vidmahe hetirājāya dhīmahi tannaścakraḥ
pracodayāt, tatsaviturvareṇyaṃ bhargo devasya dhīmahi dhiyo yo naḥ
pracodayāt
152.40
tadbahirhayagrīvaikākṣarayuktaṃ vṛttaṃ—hsaumiti| vṛttādbahirdvātriṃśaddalapadmam| teṣu daleṣu nṛsiṃhahayagrīvānuṣṭubhamantrau—
ugraṃ vīraṃ mahāviṣṇuṃ jvalantaṃ sarvatomukham
nṛsiṃhaṃ bhīṣaṇaṃ bhadraṃ mṛtyumṛtyuṃ namāmyaham
ṛgyajuḥsāmarūpāya vedāharaṇakarmaṇe
praṇavodgīthavapuṣe mahāśvaśirase namaḥ
tadlakapoleṣu rāmakṛṣṇānuṣṭubhamantrau—
rāmabhadra maheṣvāsa raghuvīra nṛpottama
bho daśāsyāntakāsmākaṃ rakṣāṃ dehi śriyaṃ ca te
devakīsuta govinda vāsudeva jagatpate
dehi me tanayaṃ kṛṣṇa tvāmahaṃ śaraṇaṃ gataḥ
152.41
tadbahiḥ praṇavasaṃpuṭitāgnibījayuktaṃ vṛttam—oṃ raṃ oṃ iti
vṛttādbahiḥ ṣaṭtriṃśaddalapadmam| teṣu daleṣu hayagrīvaṣaṭtriṃśadakṣaramantraḥ
punaraṣṭatriṃśadakṣaramantraśca—
haṃsaḥ—viśvottīrṇasvarūpāya cinmayānandarūpiṇe
tubhyaṃ namo hayagrīva vidyārājāya viṣṇave—soham
hsauṃ oṃ namo bhagavate hayagrīvāya sarvavāgīśvareśvarāya sarvavedamayāya
sarvavidyāṃ me dehi svāhā| tadlakapoleṣu praṇavādinamo'ntāścaturthyantāḥ
keśavādicaturviṃśatimantrāśca| avaśiṣṭadvādaśasthāneṣu rāmakṛṣṇagāyatrīdvyavarṇacatuṣṭayamekaikasthale—oṃ keśavāya namaḥ oṃ nārāyaṇāya namaḥ oṃ
mādhavāya namaḥ oṃ govindāya namaḥ oṃ viṣṇave namaḥ oṃ madhusūdanāya
namaḥ oṃ trivikramāya namaḥ oṃ vāmanāya namaḥ oṃ śrīdharāya namaḥ oṃ
hṛṣīkeśāya namaḥ oṃ padmanābhāya namaḥ oṃ dāmodarāya namaḥ oṃ saṅkarṣaṇāya
namaḥ oṃ vāsudevāya namaḥ oṃ pradyumnāya namaḥ oṃ aniruddhāya namaḥ oṃ
puruṣottamāya namaḥ oṃ adhokṣajāya namaḥ oṃ narasiṃhāya namaḥ oṃ
acyutāya namaḥ oṃ janārdanāya namaḥ oṃ upendrāya namaḥ oṃ haraye namaḥ oṃ
śrīkṛṣṇāya namaḥ, dāśarathāya vidmahe sītāvallabhāya dhīmahi tanno rāmaḥ
pracodayāt, dāmodarāya vidmahe vāsudevāya dhīmahi tannaḥ kṛṣṇaḥ
pracodayāt
152.42
tadbahiḥ praṇavasampuṭitāṅkuśabījayuktaṃ vṛttam—oṃ kroṃ oṃ iti
tadbahiḥ punarvṛttam| tanmadhye dvādaśakukṣisthānāni sāntarālāni| teṣu
kaustubhavanamālāśrīvatsasudarśanagaruḍapadmadhvajānantaśārṅgagadāśaṅkhanandakamantrāḥ
praṇavādinamo'ntāścaturthyantāḥ krameṇa—oṃ kaustubhāya namaḥ oṃ
vanamālāyai namaḥ oṃ śrīvatsāya namaḥ oṃ sudarśanāya namaḥ oṃ garuḍāya
namaḥ oṃ padmāya namaḥ oṃ dhvajāya namaḥ oṃ anantāya namaḥ oṃ śārṅgāya
namaḥ oṃ gadāyai namaḥ oṃ śaṅkhāya namaḥ oṃ nandakāya namaḥ
tadantarāleṣu—oṃ viṣvaksenāya namaḥ oṃ ācakrāya svāhā oṃ
vicakrāya svāhā oṃ sucakrāya svāhā oṃ dhīcakrāya svāhā oṃ saṃcakrāya
svāhā oṃ jvālācakrāya svāhā oṃ kruddholkāya svāhā oṃ maholkāya
svāhā oṃ vīryolkāya svāhā oṃ vidyolkāya svāhā oṃ sahasrolkāya
svāhā iti praṇavādimantrāḥ
152.43
tadbahiḥ praṇavasampuṭitagaruḍapañcākṣarayuktaṃ vṛttam—oṃ kṣipa oṃ svāhā
oṃ | tacca dvādaśavajraiḥ sāntarālairalaṃkṛtam| teṣu vajreṣu—oṃ padmanidhaye
namaḥ oṃ mahāpadmanidhaye namaḥ oṃ garuḍanidhaye namaḥ oṃ śaṅkhanidhaye namaḥ
oṃ makaranidhaye namaḥ oṃ kacchapanidhaye namaḥ oṃ vidyānidhaye namaḥ oṃ
paramānandanidhaye namaḥ oṃ mokṣanidhaye namaḥ oṃ lakṣmīnidhaye namaḥ oṃ
brahmanidhaye namaḥ oṃ śrīmukundanidhaye namaḥ oṃ vaikuṇṭhanidhaye namaḥ
tatsandhisthāneṣu—oṃ vidyākalpakatarave namaḥ oṃ ānandakalpakatarave
namaḥ oṃ brahmakalpakatarave namaḥ oṃ muktikalpakatarave namaḥ oṃ
amṛtakalpakatarave namaḥ oṃ bodhakalpakatarave namaḥ oṃ vibhūtikalpakatarave namaḥ oṃ vaikuṇṭhakalpakatarave namaḥ oṃ vedakalpakatarave namaḥ oṃ
yogakalpakatarave namaḥ oṃ yajñakalpakatarave namaḥ oṃ padmakalpakatarave
namaḥ | tacca śivagāyatrīparabrahmamantrāṇāṃ varṇairvṛttākāreṇa saṃveṣṭaya—
tatpuruṣāya vidmahe mahādevāya dhīmahi tanno rudraḥ pracodayāt,
śrīmannārāyaṇo jyotirātmā nārāyaṇaḥ paraḥ
nārāyaṇaḥ paraṃ brahma nārāyaṇaḥ namo'stu te
152.44
tadbahiḥ praṇavasampuṭitaśrībījayuktaṃ vṛttam—oṃ śrīmomiti
oṃ tadbahiścatvāriṃśaddalapadmam| teṣu daleṣu vyāhṛtiśiraḥsampuṭitavedagāyatrīpādacatuṣṭayasūryāṣṭākṣarīmantrau—oṃ bhūḥ oṃ bhuvaḥ oṃ suvaḥ oṃ
mahaḥ oṃ janaḥ oṃ tapaḥ oṃ satyam oṃ tatsaviturvareṇyam oṃ bhargo devasya
dhīmahi oṃ dhiyo yo naḥ pracodayāt oṃ parorajase sāvadom oṃ āpo
jyotī raso'mṛtaṃ brahma bhūrbhuvaḥ suvarom, oṃ ghṛṇiḥ sūrya ādityaḥ
tadvalasandhiṣu praṇavaśrībījasampuṭitanārāyaṇabījaṃ sarvatra—oṃ śrīmaṃ
śrīmom
152.45
tadbahiraṣṭaśūlāṅkitabhūcakram | cakrāntaścaturdikṣu haṃsaḥsohaṃmantrau
praṇavasampuṭitau nārāyaṇāstramantrāśca—oṃ haṃsaḥ soham, oṃ namo
nārāyaṇāya huṃ phaṭ
152.46
tadbahiḥ praṇavamālāsaṃyuktaṃ vṛttam | vṛttādbahiḥ pañcāśaddalapadmam | teṣu
daleṣu mātṛkāpañcāśadakṣaramālā lakāravarjyā | tadvalasandhiṣu praṇavaśrībījasampuṭitarāmakṛṣṇamālāmantrau—oṃ śrīmoṃ namo bhagavate raghunandanāya
rakṣoghnaviśadāya madhuraprasannavadanāyāmitatejase balāya rāmāya viṣṇave
namaḥ śrīmoṃ, oṃ śrīṃ oṃ namaḥ kṛṣṇāya devakīputrāya vāsudevāya
nirgalacchedanāya sarvalokādhipataye sarvajaganmohanāya viṣṇave
kāmitārthadāya svāhā śrīmom
152.47
tadbahiraṣṭaśūlāṅkitabhūcakram | teṣu praṇavasampuṭitamahānīlakaṇṭhamantravarṇāni—oṃmoṃ namo nīlakaṇṭhāya oṃ | śūlāgreṣu lokapālamantrāḥ
praṇavādinamo'ntāścaturthyantāḥ krameṇa—oṃ indrāya namaḥ oṃ agnaye namaḥ
oṃ yamāya namaḥ oṃ nirṛtaye namaḥ oṃ varuṇāya namaḥ oṃ vāyave namaḥ oṃ
somāya namaḥ oṃ īśānāya namaḥ
152.48
tadbahiḥ praṇavamālāyuktaṃ vṛttatrayam | tadbahirbhūpuracatuṣṭayaṃ caturdvārayutaṃ
cakrakoṇacatuṣṭayamahāvajravibhūṣitam | teṣu vajreṣu praṇavaśrībījasampuṭitāmṛtabījadvayam—oṃ śrīṃ ṭhaṃ vaṃ śrīmomiti | bahirbhūpuravīthyām—
oṃ ādhāraśaktyai namaḥ oṃ mūlaprakṛtyai namaḥ oṃ ādikūrmāya namaḥ oṃ
anantāya namaḥ oṃ pṛthivyai namaḥ | madhyabhūpuravīthyām—oṃ kṣīrasamudrāya
namaḥ oṃ ratnadvīpāya namaḥ oṃ ratnamaṇḍapāya namaḥ oṃ śvetacchatrāya namaḥ
oṃ kalpavṛkṣāya namaḥ oṃ ratnasiṃhāsanāya namaḥ | prathamabhūpuravīthyāṃ
dharmajñānavairāgyaiśvaryādharmājñānāvairāgyānaiśvaryasattvarajastamomāyāvidyā'nantapadmāḥ
praṇavādinamo'ntāścaturthyantāḥ krameṇa | bāhyavṛttavīthyāṃ vimalotkarṣiṇī
jñānākriyāyogāprahvīsatyeśānāḥ praṇavādinamo'ntāścaturthyantāḥ krameṇa
antarvṛttavīthyāṃ—omanugrahāyai namaḥ, oṃ namo bhagavate viṣṇave
sarvabhūtātmane vāsudevāya sarvātmasaṃyogayogapīṭhātmane namaḥ
vṛttāvakāśeṣu—
bījaṃ prāṇaṃ ca śaktiṃ ca dṛṣṭiṃ vaśyādikaṃ tathā
mantrayantrākhyagāyatrīprāṇasthāpanameva ca
bhūtadikpālabījāni yantrasyāṅgāni vai daśa
mūlamantramālāmantrakavacadigbandhanamantrāśca
152.49
evaṃvidhametadyantraṃ mahāmantramayaṃ yogadhīrāntaiḥ paramamantrairalaṅkṛtaṃ
ṣoḍaśopacārairabhyarcitaṃ japahomādinā sādhitametadyantraṃ śuddhabrahmatejomayaṃ
sarvābhayaṅkaraṃ samastaduritakṣayakaraṃ sarvābhīṣṭasampādakaṃ sāyujyamuktipradametat paramavaikuṇṭhamahānārāyaṇayantraṃ prajvalati
152.50
tasyopari ca niratiśayānandatejorāśyabhyantarasamāsīnaṃ vācāmagocarānandatejorāśyākāraṃ citsārāvirbhūtānandavigrahaṃ bodhānandasvarūpaṃ niratiśayasaundaryapārāvāraṃ turīyasvarūpaṃ turīyātītaṃ cādvaitaparamānandaṃ nirantarātiturīyaniratiśayasaundaryānandapārāvāraṃ lāvaṇyavāhinīkallolataṭiddhāsuraṃ divyamaṅgalavigrahaṃ mūrtimadbhiḥ paramamaṅgalairupasevyamānaṃ cidānandamayairanantakoṭiraviprakāśairanantabhūṣaṇairalaṅkṛtaṃ sudarśanapāñcajanyapadmagadā'siśārṅgamusalaparighādyaiścinmayairanekāyudhagaṇairmūrtimadbhiḥ susevitaṃ śrīvatsakaustubhavanamālā'ṅkitavakṣasaṃ brahmakalpavanāmṛtapuṣpavṛṣṭibhiḥ santatamānandaṃ brahmānandarasanirbharairasaṃkhyairatimaṅgalaṃ śeṣāyutaphaṇājālavipulacchatraśobhitaṃ tatphaṇāmaṇḍalodarcirmaṇidyotitavigrahaṃ tadaṅgakāntinirjharaistaṃ niratiśayabrahmagandhasvarūpaṃ niratiśayānandabrahmagandhaviśeṣākāram
anantabrahmagandhākārasamaṣṭiviśeṣam anantānandatulasīmālyairabhinavaṃ
cidānandamayānantapuṣpamālyairvirājamānaṃ tejaḥpravāhataraṅgatatparamparābhirjvalantaṃ niratiśayānantakāntiviśeṣāvartairabhito'niśaṃ prajvalantaṃ
bodhānandamayānantadhūpadīpāvalibhiratiśobhitaṃ niratiśayānandacāmaraviśeṣaiḥ parisevitaṃ nirantaranirupamaniratiśayotkaṭajñānānandānantagucchaphalairalaṅkṛtaṃ cinmayānandadivyavimānacchatradhvajarājibhirvirājamānaṃ
paramamaṅgalānantadivyatejobhirjvalantam aniśaṃ vācāmagocarānantatejorāśyantargatam ardhamātrātmakaṃ turyaṃ dhvanyātmakaṃ turīyātītam avācyaṃ
nādabindukalā'dhyātmasvarūpaṃ · cetyādyanantākāreṇāvasthitaṃ nirguṇaṃ
niṣkriyaṃ nirmalaṃ niravadyaṃ nirañjanaṃ nirākāraṃ nirāśrayaṃ niratiśayādvaitaparamānandalakṣaṇam ādinārāyaṇaṃ dhyāyedityupaniṣat
152.50.p1
ityātharvaṇamahānārāyaṇopaniṣadi paramamokṣasvarūpanirūpaṇadvārā tripādvibhūtiparamavaikuṇṭhamahānārāyaṇayantrasvarūpanirūpaṇaṃ nāma saptamo'dhyāyaḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (5)
- Tripādvibhūtimahānārāyaṇopaniṣad — Sanskrit
- Siddhāntasāropaniṣat — Sanskrit
- Vaiṣṇavopaniṣad — Sanskrit
- Aṣṭottaraśatopaniṣadaḥ — Sanskrit
- Śāktopaniṣad — Sanskrit