Ashtottarashatopanishad 169
Aṣṭottaraśatopaniṣad 169
- Language
- Sanskrit
169.1
śāntipāṭhaḥ
oṃ āpyāyantu mamāṅgāni ... te mayi santu| (pūrvavat)
oṃ śāntiḥ śāntiḥ śāntiḥ
oṃ namaskṛtya bhagavān nāradaḥ sarveśvaraṃ vāsudevaṃ papraccha—adhīhi bhagavannūrdhvapuṇḍravidhiṃ dravyamantrasthānādisahitaṃ me brūhīti
169.2
sa hovāca bhagavān vāsudevaḥ—vaikuṇṭhasthānādutpannaṃ mama prītikaraṃ madbhaktairbrahmādibhirdhāritaṃ viṣṇucandanaṃ mamāṅge pratidinamāliptaṃ gopībhiḥ prakṣālanād gopīcandanamākhyātaṃ madaṅgalepanaṃ puṇyaṃ cakratīrthāntaḥsthitaṃ cakrasamāyuktaṃ pītavarṇaṃ muktisādhanaṃ bhavati
169.3
atha gopīcandanaṃ namaskṛtyoddhṛtya—
gopīcandana pāpaghna viṣṇudehasamudbhava
cakrāṅkita namastubhyaṃ dhāraṇānmuktido bhava
169.4
imaṃ me gaṅge iti jalamādāya viṣṇornukamiti mardayet
ato devā avantu na ityetairmantrairviṣṇugāyatryā keśavādināmabhirvā dhāyerat
169.5
brahmacārī vānaprastho vā lalāṭahṛdayakaṇṭhabāhumūleṣu vaiṣṇavagāyatryā
kṛṣṇādināmabhirvā dhārayet
iti trivāramabhimantrya—
śaṅkhacakragadāpāṇe dvārakānilayācyuta
govinda puṇḍarīkākṣa rakṣa māṃ śaraṇāgatam
iti dhyātvā gṛhastho lalāṭādidvādaśasthaleṣvanāmikāṅgulyā vaiṣṇavagāyatryā keśavādināmabhirvā dhārayet
169.6
brahmacārī gṛhastho vā lalāṭahṛdayakaṇṭhabāhumūleṣu vaiṣṇavagāyatryā kṛṣṇādināmabhirvā dhārayet
169.7
yatistarjanyā śirolalāṭahṛdayeṣu praṇavenaiva dhārayet
169.8
brahmādayastrayo mūrtayastisro vyāhṛtayastrīṇi chandāṃsi trayo'gnaya iti
jyotiṣmantastrayaḥ kālāstisro'vasthāstraya ātmānaḥ puṇḍrāstraya ūrdhvā
akāra ukāro makāra ete praṇavamayordhvapuṇḍrastadātmā sadetadomiti
169.9
ūrdhvamunnamayata ityoṃkārādhikārī tasmādūrdhvapuṇḍraṃ dhārayet
169.10
paramahaṃso lalāṭe praṇavenaikamūrdhvapuṇḍraṃ vā dhārayet
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (3)
- Īśādiviṃśottaraśatopaniṣadaḥ — Sanskrit
- Vaiṣṇavopaniṣad — Sanskrit
- Upanishads — Sanskrit