Ashtottarashatopanishad 174
Aṣṭottaraśatopaniṣad 174
- Language
- Sanskrit
174.1
caturthaḥ khaṇḍaḥ
tadbrahma tāpatrayātītaṃ ṣaṭkośavinirmuktaṃ ṣaḍūrmivarjitaṃ pañcakośātītaṃ ṣaḍbhāvavikāraśūnyamevamādisarvavilakṣaṇaṃ bhavati
174.2
tāpatrayaṃ tvādhyātmikādhibhautikādhidaivikaṃ kartṛkarmakāryajñātṛjñānajñeya-bhoktṛbhogabhogyamiti trividham
174.3
tvaṅmāṃsaśoṇitāsthisnāyumajjāḥ ṣaṭkośāḥ
174.4
kāmakrodhalobhamohamadamātsaryamityariṣaḍvargaḥ
174.5
annamayaprāṇamayamanomayavijñānamayānandamayā iti pañcakośāḥ
174.6
priyātmajananavardhanapariṇāmakṣayanāśāḥ ṣaḍbhāvāḥ
174.7
aśanāyāpipāsāśokamohajarāmaraṇānīti ṣaḍrmayaḥ
174.8
kulagotrajātivarṇāśramarūpāṇi ṣaḍbhramāḥ
174.9
etadyogena paramapuruṣo jīvo bhavati nānyaḥ
174.10
ya etadupaniṣadaṃ nityamadhīte so'gnipūto bhavati| sa vāyupūto bhavati| sa ādityapūto bhavati| arogī bhavati| śrīmāṃśca bhavati| putrapautrādibhiḥ samṛddho bhavati| vidvāṃśca bhavati| mahāpātakātpūto bhavati| surāpānātpūto bhavati| agamyāgamanātpūto bhavati| mātṛgamanātpūto bhavati| duhitṛsnuṣābhigamanātpūto bhavati| svarṇasteyātpūto bhavati| vedojjhanahānātpūto bhavati| guroraśuśrūṣaṇātpūto bhavati| ayājyayājanāt pūto bhavati| abhakṣyabhakṣaṇāt pūto bhavati| ugrapratigrahātpūto bhavati| paradāragamanātpūto bhavati| kāmakrodhalobhamoherghyādibhirabādhito bhavati| sarvebhyaḥ pāpebhyo mukto bhavati| iha janmani puruṣo bhavati
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (1)
- Aṣṭottaraśatopaniṣadaḥ — Sanskrit