Ashtottarashatopanishad 26

Aṣṭottaraśatopaniṣad 26

nāsikāpuṭamaṅgulyā pidhāyaikena mārutam
ākṛṣya dhārayedagniṃ śabdameva vicintayet

9
omityekākṣaraṃ brahma omityetanna recayet
divyamantreṇa bahudhā kuryādāmalamuktaye

0
paścād dhyāyīta pūrvoktakramaśo mantravid budhaḥ
sthūlādisthūlasūkṣmaṃ ca nābherūrdhvamupakramaḥ

1
tiryagūrdhvamadhodṛṣṭiṃ vihāya ca mahāmatiḥ
sthirasthāyī viniṣkampaḥ sadā yogaṃ samabhyaset

2
tālamātrāviniṣkampo dhāraṇāyojanaṃ tathā
dvādaśamātro yogastu kālato niyamaḥ smṛtaḥ

3
aghoṣamavyañjanamasvaraṃ ca atālukaṇṭhoṣṭhamanāsikaṃ ca yat
arephajātamubhayoṣmavarjitaṃ yadakṣaraṃ na kṣarate kathaṃcit

4
yenāsau gacchate mārgaṃ prāṇastenābhigacchati
atastamabhyasennityaṃ yanmārgagamanāya vai

5
hṛddvāraṃ vāyudvāraṃ ca mūrdhadvāramathāparam
mokṣadvāraṃ bilaṃ caiva suṣiraṃ maṇḍalaṃ viduḥ

bhayaṃ krodhamathālasyamatisvapnātijāgaram
atyāhāramanāhāraṃ nityaṃ yogī vivarjayet

anena vidhinā samyaṅ nityamabhyasyate kramāt
svayamutpadyate jñānaṃ tribhirmāsairna saṃśayaḥ

caturbhiḥ paśyate devān pañcabhirvitarkataḥ kramaḥ
icchayāpnoti kaivalyaṃ ṣaṣṭhe māsi na saṃśayaḥ

pārthivaḥ pañcamātrastu caturmātrastu vāruṇaḥ
āgneyastu trimātro'sau vāyavyastu dvimātrakaḥ

ekamātrastathākāśo hyardhamātraṃ tu cintayet
saṃdhiṃ kṛtvā tu manasā cintayedātmanātmani

triṃśatsārdhāṅgulaḥ prāṇo yatra prāṇaiḥ pratiṣṭhitaḥ
eṣa prāṇa iti khyāto bāhyaprāṇasya gocaraḥ

aśītiśca śataṃ caiva sahasrāṇi trayodaśa
lakṣścaiko viniśvāsa ahorātrapramāṇataḥ

prāṇa ādyo hṛdi sthāne apānastu punargude
samāno nābhideśe tu udānaḥ kaṇṭhamāśritaḥ

vyānaḥ sarveṣu cāṅgeṣu vyāpya tiṣṭhati sarvadā
atha varṇāstu pañcānāṃ prāṇādīnāmanukramāt

raktavarṇo maṇiprakhyaḥ prāṇavāyuḥ prakīrtitaḥ
apānastasya madhye tu indrakopasamaprabhaḥ

samānastu dvayormadhye gokṣīradhavalaprabhaḥ
apāṇḍura udānaśca vyāno hyarcisamaprabhaḥ

yasyedaṃ maṇḍalaṃ bhittvā māruto yāti mūrdhani
yatra kutra priyedvāpi na sa bhūyo'bhijāyate
na sa bhūyo'bhijāyata ityupaniṣat

Commentaries (2)