Ashtottarashatopanishad 48
Aṣṭottaraśatopaniṣad 48
- Language
- Sanskrit
Contents
- 48.20 — 1 part
48.1
pañcamaṃ brāhmaṇam
mānastoketi mantreṇa mantritaṃ bhasma dhārayet
ūrdhvapuṇḍraṃ bhavetsāma madhyapuṇḍraṃ triyāyuṣam
48.2
triyāyuṣāṇi kurute lalāṭe ca bhujadvaye
nābhau śirasi hṛtpārśve brāhmaṇāḥ kṣatriyāstathā
48.3
traivarṇikānāṃ sarveṣāmagnihotrasamudbhavam
idaṃ mukhyaṃ gṛhasthānāṃ virajānalajaṃ bhavet
48.4
virajānalajaṃ caiva dhāryaṃ proktaṃ maharṣibhiḥ
aupāsanasamutpannaṃ gṛhasthānāṃ viśeṣataḥ
48.5
samidagnisamutpannaṃ dhāryaṃ vai brahmacāriṇā
śūdrāṇāṃ śrotriyāgārapacanāgnisamudbhavam
48.6
anyeṣāmapi sarveṣāṃ dhāryaṃ caivānalodbhavam
yatīnāṃ jñānadaṃ proktaṃ vanasthānāṃ viraktidam
ativarṇāśramāṇāṃ tu śmaśānāgnisamudbhavam
48.7
sarveṣāṃ devālayasthaṃ bhasma śivāgnijaṃ śivayoginām
śivālayasthaṃ valliṅgaliptaṃ vā mantrasaṃskāradagdhaṃ vā
48.8
atraite ślokā bhavantitenādhītaṃ śrutaṃ tena tena sarvamanuṣṭhitam
yena vipreṇa śirasi tripuṇḍraṃ bhasmanā kṛtam
48.9
tyaktavarṇāśramācāro luptasarvakriyo'pi saḥ
sakṛttiryak tripuṇḍrāṅkadhāraṇātso'pi pūjyate
48.10
ye bhasmadhāraṇaṃ tyaktvā karma kurvanti mānavāḥ
teṣāṃ nāsti vinirmokṣaḥ saṃsārājjanmakoṭibhiḥ
48.11
mahāpātakayuktānāṃ pūrvajanmārjitāgasām
tripuṇḍroddhūlane dveṣo jāyate sudṛḍhaṃ budhāḥ
48.112
1
yeṣāṃ kopo bhaved brahman ! lalāṭe bhasmadarśanāt
teṣāmutpattisāṅkaryamanumeyaṃ vipaścitā
48.113
yeṣāṃ nāsti mune śraddhā śraute bhasmani sarvadā
garbhādhānādisaṃskārasteṣāṃ nāstīti niścayaḥ
48.114
ye bhasmadhāriṇaṃ dṛṣṭvā narāḥ kurvanti tāḍanam
teṣāṃ cāṇḍālato janma brahmannūhaṃ vipaścitā
48.115
yeṣāṃ krodho bhavedbhasmadhāraṇe tatpramāṇake
te mahāpātakairyuktā iti śāstrasya niścayaḥ
48.116
tripuṇḍraṃ ye vinindanti nindanti śivameva te
dhārayanti ca ye bhaktyā dhārayanti śivaṃ ca te
48.117
dhigbhasmarahitaṃ bhālaṃ dhiggrāmamaśivālayam
dhiganīśārcanaṃ janma dhigvidyāmaśivātmakām
48.118
rudrāgneryatparaṃ vīryaṃ tadbhasma parikīrtitam
tasmātsarveṣu kāleṣu vīryavānbhasmasaṃyutaḥ
48.19
bhasmaniṣṭhasya dahyante doṣā bhasmāgnisaṅgamāt
bhasmasnānaviśuddhātmā bhasmaniṣṭha iti smṛtaḥ
48.20
bhasmasandigdhasarvāṅgo bhasmadīptatripuṇḍrakaḥ
bhasmaśāyī ca puruṣo bhasmaniṣṭha iti smṛtaḥ
48.20.p1
iti pañcamaṃ brāhmaṇam
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (10)
- Īśādiviṃśottaraśatopaniṣadaḥ — Sanskrit
- Bṛhajjābālopaniṣad — Sanskrit
- Kriyāsāra — Śrīkaṇtha, Sanskrit
- Śaivopaniṣat — Sanskrit
- Various Upaniṣads — Sanskrit
- Śaivopaniṣadbhāga — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Aṣṭottaraśatopaniṣadaḥ — Sanskrit
- Vīramaheśvarācāryasaṃgraha — Nīlakaṇṭha Nāganātha, Sanskrit