Ashtottarashatopanishad 51
Aṣṭottaraśatopaniṣad 51
- Language
- Sanskrit
Contents
- 51.10 — 1 part
51.1
aṣṭamaṃ brāhmaṇam
atha bṛhajjābālasya phalaṃ no brūhi bhagavanniti
51.2
sa hovāca ya etadbṛhajjābālaṃ nityamadhīte sa agnipūto bhavati| sa vāyupūto bhavati| sa ādityapūto bhavati| sa somapūto bhavati| sa brahmapūto bhavati| sa viṣṇupūto bhavati| sa rudrapūto bhavati| sa sarvapūto bhavati| sa sarvapūto bhavati
51.3
ya etad bṛhajjābālaṃ nityamadhīte so'gniṃ stambhayati sa vāyuṃ stambhayati sa ādityaṃ stambhayati sa somaṃ stambhayati sa udakaṃ stambhayati sa sarvāndevānstambhayati sa sarvāngrahānstambhayati| sa viṣaṃ stambhayati sa viṣaṃ stambhayati
51.4
sa etad bṛhajjābālaṃ nityamadhīte sa mṛtyuṃ tarati sa pāpmānaṃ tarati sa brahmahatyāṃ tarati sa bhrūṇahatyāṃ tarati sa vīrahatyāṃ tarati sa sarvahatyāṃ tarati sa saṃsāraṃ tarati sa sarvaṃ tarati sa sarvaṃ tarati
51.5
ya etad bṛhajjābālaṃ nityamadhīte sa bhūrlokaṃ jayati sa bhuvarlokaṃ jayati sa suvarlokaṃ jayati sa maharlokaṃ jayati sa janolokaṃ jayati sa tapolokaṃ jayati sa satyalokaṃ jayati sa sarvān lokān jayati sarvān lokān jayati
51.6
sa etad bṛhajjābālaṃ nityamadhīte sa ṛco'dhīte sa yajūṃṣyadhīte sa
sāmānyadhīte so'tharvaṇamadhīte so'ṅgirasamadhīte sa śākhā adhīte sa
kalpānadhīte sa nārāśaṃsīradhīte sa purāṇānyadhīte sa brahmapraṇavamadhīte sa
brahmapraṇavamadhīte
51.7
anupanītaśatamekamekenopanītena tatsamamupanītaśatamekamekena gṛhasthena
tatsamaṃ gṛhasthaśatamekamekena vānaprasthena tatsamaṃ vānaprasthaśatamekamekena
yatinā tatsamaṃ yatīnāṃ tu śataṃ pūrṇamekamekena rudrajāpakena tatsamaṃ
rudrajāpakaśatamekamekenā'tharvaśiraḥśikhā'dhyāpakena tatsamamatharvaśiraḥśikhādhyāpakaśatamekena bṛhajjābālopaniṣadadhyāpakena tatsamam
51.8
tadvā etatparaṃ dhāma bṛhajjābālopaniṣajjapaśīlasya yatra na sūryastapati yatra
na vāyurvāti yatra na candramā bhāti yatra na nakṣatrāṇi bhānti yatra
nāgnirdahati yatra na mṛtyuḥ praviśati yatra na duḥkhāni praviśanti sadānandaṃ
paramānandaṃ śāntaṃ śāśvataṃ sadāśivaṃ brahmādivanditaṃ yogidhyeyaṃ paraṃ padaṃ yatra
gatvā na nivartante yoginaḥ
51.9
tadetadṛcā'bhyuktam—
tadviṣṇoḥ paramaṃ padaṃ sadā paśyanti sūrayaḥ | divīva cakṣurātatam
51.10
tadviprāso vipanyavo jāgṛvāṃsaḥ samindhate
viṣṇoryatparaṃ dhāma | oṃ satyamityupaniṣat
51.10.p1
ityaṣṭamaṃ brāhmaṇam
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (8)
- Īśādiviṃśottaraśatopaniṣadaḥ — Sanskrit
- Bṛhajjābālopaniṣad — Sanskrit
- Aṣṭottaraśatopaniṣadaḥ — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Śaivopaniṣat — Sanskrit
- Various Upaniṣads — Sanskrit
- Śaivopaniṣadbhāga — Sanskrit