Ashtottarashatopanishad 62
Aṣṭottaraśatopaniṣad 62
- Language
- Sanskrit
Contents
- 62.3 — 1 part
62.1
pañcamaḥ khaṇḍaḥ
athaiṣa u eva akāra āptamārtha ātmanyeva nṛsiṃhe deve brahmaṇi vartata eṣa
hovāptama eṣa hi sākṣyeṣa īśvaro'taḥ sarvagato na hīdaṃ sarvameṣa eva
vyāptatama idaṃ sarvaṃ yadayamātmā māyāmātrameṣa evogra eṣa eva vyāptatama
eṣa eva vīra eṣa eva vyāptatama eṣa eva mahāneṣa eva vyāptatama eṣa eva
viṣṇureṣa eva vyāptatama eṣa eva jvalanneṣa eva vyāptatama eṣa eva
sarvatomukha eṣa eva vyāptatama eṣa eva nṛsiṃha eṣa eva vyāptatama eṣa eva
bhīṣaṇa eṣa eva vyāptatama eṣa eva bhadra eṣa eva vyāptatama eṣa eva
mṛtyumṛtyureṣa eva vyāptatama eṣa eva namāmyeṣa eva vyāptatama eṣa evāhameṣa
eva vyāptatama ātmaiva nṛsiṃho devo brahma bhavati ya evaṃ veda so'kāmo
niṣkāma āptakāma ātmakāmo na tasya prāṇā utkrāmantyatraiva
samavalīyante brahmaiva san brahmāpyeti
62.3
athaiṣa eva makāro mahāvibhūtyartha ātmanyeva nṛsiṃhe deve brahmaṇi vartate
tasmādayamanalpo'bhinnarūpaḥ svaprakāśo brahyaivāptatama utkṛṣṭatama etadeva
brahmāpi sarvajñaṃ mahāmāyaṃ mahāvibhūtyetadevogrametaddhi mahāvibhūtyetadeva
vīrametaddhi mahāvibhūtyetadeva mahadetaddhi mahāvibhūtyetadeva viṣvetaddhi
mahāvibhūtyetadeva jvaladetaddhi mahāvibhūtyetadeva sarvatomukhametaddhi mahāvibhūtyetadeva nṛsiṃhametaddhi mahāvibhūtyetadeva bhīṣaṇametaddhi mahāvibhūtyetadeva bhadrametaddhi mahāvibhūtyetadeva mṛtyumṛttvetaddhi mahāvibhūtyetadeva
namāmyetaddhi mahāvibhūtyetadevāhametaddhi mahāvibhūti tasmādakārokārābhyāmimamātmānamāptatamamutkṛṣṭatamaṃ cinmātraṃ sarvadraṣṭāraṃ sarvasākṣiṇaṃ sarvagrāsaṃ sarvapremāspadaṃ saccidānandamātramekarasaṃ parameva brahma makāreṇa jānīyādātmaiva nṛsiṃho devaḥ parameva brahma bhavati ya evaṃ veda| so'kāmo
niṣkāma āptakāma ātmakāmo na tasya prāṇā utkrāmantyatraiva samavalīyante brahmaiva san brahmāpyetīhaiva prajāpatiruvāca prajāpatiruvāca
62.3.p1
iti pañcamaḥ khaṇḍaḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (6)
- Īśādiviṃśottaraśatopaniṣadaḥ — Sanskrit
- Nṛsiṃhatāpanīyopaniṣad — Sanskrit
- Nṛsiṃhatāpinyupaniṣad — Sanskrit
- Aṣṭottaraśatopaniṣadaḥ — Sanskrit
- Nṛsiṃhopaniṣad — Sanskrit
- Nārasiṃhopaniṣad — Sanskrit