Ashtottarashatopanishad 74
Aṣṭottaraśatopaniṣad 74
- Language
- Sanskrit
Contents
- 74.4 — 1 part
74.1
dvitīyaḥ khaṇḍaḥ
apānāttriṣādā yakṣarākṣasagandharvāścāsthibhyaḥ parvatā lomabhya oṣadhivanaspatayo lalāṭātkrodhajo rudro jāyate
74.2
tasyaitasya mahato bhūtasya niḥśvasitametadyadṛgvedo yajurvedaḥ sāmavedo'tharvavedaḥ
śikṣā kalpo vyākaraṇaṃ niruktaṃ chando jyotiṣāmayanaṃ nyāyo mīmāṃsā
dharmaśāstrāṇi vyākhyānānyupavyākhyānāni ca sarvāṇi bhūtāni
74.3
hiraṇyajyotiryasminnayamātmādhikṣiyanti bhuvanāni viśvā| ātmagnaṃ
dvidhā'karoddhardhena strī ardhena puruṣo devo bhūtvā devānasṛjaddṛṣirbhūtvā
ṛṣīn yakṣarākṣasagandharvānsarvāngrāmyānāraṇyāṃśca paśūnasṛjaditarā gauritaro'naḍvānitarā vaḍavetaro'śva itarā gardabhītaro gardabha itarā viśvambharītaro
viśvambharaḥ
74.4
so'nte vaiśvānaro bhūtvā saṃdagdhvā sarvāṇi bhūtāni pṛthivyapsu pralīyata
āpastejasi pralīyante tejo vāyau vilīyate vāyurākāśe vilīyata
ākāśamindriyeṣvindriyāṇi tanmātreṣu tanmātrāṇi bhūtādau vilīyante
bhūtādirmahati vilīyate mahānavyakte vilīyate'vyaktamakṣare vilīyata
akṣaraṃ tamasi vilīyate tamaḥ pare deva ekībhavati parastānna sannāsannāsadasadityetannirvāṇānuśāsanamiti vedānuśāsanamiti vedānuśāsanam
74.4.p1
iti dvitīyaḥ khaṇḍaḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (3)
- Subālopaniṣad — Sanskrit
- Īśādiviṃśottaraśatopaniṣadaḥ — Sanskrit
- Aṣṭottaraśatopaniṣadaḥ — Sanskrit