Ashtottarashatopanishad 76
Aṣṭottaraśatopaniṣad 76
- Language
- Sanskrit
Contents
- 76.4 — 1 part
76.1
caturthaḥ khaṇḍaḥ
hṛdayasya madhye lohitaṃ māṃsapiṇḍaṃ yasmistadharaṃ puṇḍarīkaṃ kumudamivānekadhā vikasitaṃ hṛdayasya daśa chidrāṇi bhavanti teṣu prāṇāḥ
pratiṣṭhitāḥ
76.2
sa yadā prāṇena saha saṃyujyate tadā paśyati nadyo nagarāṇi bahūni
vividhāni ca| yadā vyānena saha saṃyujyate tadā paśyati devāṃśca, ṛṣīṃśca,
yadā'pānena saha saṃyujyate tadā paśyati yakṣarākṣasagandharvāpsarodānena saha
saṃyujyate tadā paśyati yadā devalokāndevānskandaṃ jayantaṃ ceti yadā
samānena saha saṃyujyate tadā paśyati devalokāndhanāni ca yadā vairambheṇa
saha saṃyujyate tadā paśyati dṛṣṭaṃ ca śrutaṃ ca bhuktaṃ cābhuktaṃ ca saccāsacca
sarvaṃ paśyati
76.3
athemā daśa daśa nāḍyo bhavanti tāsāmekaikasyā dvāsaptatirdvāsaptatiḥ
śākhāḥ nāḍīsahastrāṇi bhavanti | yasminnayamātmā svapiti | śabdānāṃ ca
karotyatha yad dvitīye sa kośe svapiti tademaṃ ca lokaṃ paraṃ ca lokaṃ
paśyati | sarvāñchabdān vijānāti sa saṃprasāda ityācakṣate prāṇaḥ śarīraṃ
parirakṣati | haritasya nīlasya pītasya lohitasya śvetasya nāḍyo rudhirasya
pūrṇāḥ
76.4
athātraitadharaṃ puṇḍarīkaṃ kumudamivānekadhā vikasitaṃ yathā keśaḥ sahasradhā
bhinnastathā hitā nāma nāḍyo bhavanti hṛdyākāśe pare kośe divyo'yamātmā svapiti yatra supto na kaṃcana kāmaṃ kāmayate na kaṃcana svapnaṃ
paśyati na tatra devā na devalokā yajñā na yajñā vā na mātā na pitā na
bandhurna bāndhavo na steno na brahmahā tejaskāyamamṛtaṃ salilaṃ evedaṃ salilaṃ
vanaṃ bhūyastenaiva mārgeṇa jāgrāya dhāvati samrāḍiti hovāca
76.4.p1
iti caturthaḥ khaṇḍaḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (3)
- Īśādiviṃśottaraśatopaniṣadaḥ — Sanskrit
- Subālopaniṣad — Sanskrit
- Aṣṭottaraśatopaniṣadaḥ — Sanskrit