Ashtottarashatopanishad 78

Aṣṭottaraśatopaniṣad 78

Language: Sanskrit

78.1-2 — 2 parts

78.1

upastho'dhyātmamānandayitavyamadhibhūtaṃ prajāpatiratrādhidaivataṃ nāḍī teṣāṃ
nibandhanaṃ ya upasthe ya ānandayitavye yaḥ prajāpatau yo nāḍyāṃ yaḥ prāṇe
yo vijñāne ya ānande yo hṛdyākāśe ya evamasminsarvasminnantare saṃcarati
so'yamātmā tamātmānamupāsītājaramamṛtamabhayamaśokamanantam

78.1-2

4
eṣa sarvajña eṣa sarveśvara eṣa sarvādhipatireṣa sarvāntaryāmyeṣa yoniḥ sarvasya
sarvasaukhyairupāsyamāno na ca sarvasaukhyānupāsyati vedaśāstrairupāsyamāno
na ca vedaśāstrāṇyupāsyati yasyānnamidaṃ sarvaṃ na ca yo'nnaṃ bhavatyataḥ paraṃ
sarvanayanaḥ praśāstānnamayo bhūtātmā prāṇamaya indriyātmā manomayaḥ
saṃkalpātmā, vijñānamayaḥ kālātmānandamayo layātmaikatvaṃ nāsti dvaitaṃ
kuto martyaṃ nāstyamṛtaṃ kuto nāntaḥprajño na bahiḥprajño nobhayataḥprajño na
prajñānaghano na prajño nā'prajño'pi no viditaṃ vedyaṃ nāstītyetannirvāṇānuśāsanamiti vedānuśāsanamiti vedānuśāsanam

78.1-2.p1

78.1-2.p2

iti pañcamaḥ khaṇḍaḥ

Commentaries (2)

Aṣṭottaraśatopaniṣadvivaraṇa — Upaniṣadbrahmayogin, Sanskrit
Vivaraṇa of Upaniṣadbrahmendrayogin — Upaniṣadbrahmendrayogin, Sanskrit