Ashtottarashatopanishad 86
Aṣṭottaraśatopaniṣad 86
- Language
- Sanskrit
Contents
- 86.1-3 — 1 part
86.1
caturdaśa: khaṇḍa:
oṃ pṛthivī vā'nnamāpo'nnādā āpo vā'nnaṃ jyotirannādaṃ jyotirvā'nnaṃ vāyurannādo vāyurvā'nnamākāśo'nnāda ākāśo vā'nnamindriyāṇyannā-dānīndriyāṇi vā'nnaṃ mano'nnādaṃ mano vā'nnaṃ buddhirannādā buddhirvā'-nnamavyaktamannādamavyaktaṃ vā'nnamakṣaramannādamakṣaraṃ vā'nnaṃ mṛtyurannādo mṛtyurvai pare deva ekībhavatīti parastānna sannāsanna sadasadityetannirvāṇānuśāsana-miti vedānuśāsanamiti vedānuśāsanam
86.1-2
iti caturdaśa: khaṇḍa:
pañcadaśa: khaṇḍa:
atha hainaṃ raikvaḥ papraccha bhagavan yo'yaṃ vijñānamaya utkrāmansa kena katara-dvāva sthānaṃ dahatīti tasmai sa hovāca| yo'yaṃ vijñānaghana utkrāmanprāṇaṃ dahatyapānaṃ vyānamudānaṃ samānaṃ vairambhaṃ mukhyamantaryāmaṃ prabhañjanaṃ kumāraṃ śyenaṃ śvetaṃ kṛṣṇaṃ nāgaṃ dahati pṛthivyāpastejovāyvākāśaṃ dahati jāgaritaṃ svapnaṃ suṣuptaṃ turīyaṃ ca mahatāṃ ca lokaṃ paraṃ ca lokaṃ dahati lokālokaṃ dahati dharmādharmaṃ dahatyabhāskaramamaryādaṃ nirālokamataḥ paraṃ dahati mahāntaṃ dahatya-vyaktaṃ dahatyakṣaraṃ dahati mṛtyuṃ dahati mṛtyurvai pare deva ekībhavatīti parastānna sannāsanna sadasadityetannirvāṇānuśāsanamiti vedānuśāsanamiti vedānu-śāsanam
86.1-3
iti pañcadaśa: khaṇḍa:
ṣoḍaśaḥ khaṇḍaḥ
saubālabījabrahmopaniṣannāpraśāntāya dātavyā nāputrāya nāśiṣyāya
nāsaṃvatsararātroṣitāya nāparijñātakulaśīlāya dātavyā naiva ca
pravaktavyā
yasya deve parā bhaktiryathā deve tathā gurau
tasyaite kathitā hyarthāḥ prakāśante mahātmanaḥ
ityetannirvāṇānuśāsanamiti vedānuśāsanamiti vedānuśāsanam
86.1-3.p1
iti ṣoḍaśaḥ khaṇḍaḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (3)
- Īśādiviṃśottaraśatopaniṣadaḥ — Sanskrit
- Subālopaniṣad — Sanskrit
- Aṣṭottaraśatopaniṣadaḥ — Sanskrit