Ashtottarashatopanishad 87
Aṣṭottaraśatopaniṣad 87
- Language
- Sanskrit
87.1
iti subālopaniṣatsamāptā
śāntipāṭhaḥ
oṃ pūrṇamadaḥ pūrṇamidaṃ pūrṇamevāvaśiṣyate| (pūrvavat)
oṃ śāntiḥ śāntiḥ śāntiḥ
oṃ saha nāvavatu | saha nau ……… mā vidviṣāvahai | (pūrvavat)
oṃ śāntiḥ śāntiḥ śāntiḥ
oṃ kṣurikāṃ sampravakṣyāmi dhāraṇāṃ yogasiddhye
yāṃ prāpya na punarjanma yogayuktasya jāyate
87.2
vedatattvārthavihitaṃ yathoktaṃ hi svayambhuvā
niḥśabdaṃ deśamāsthāya tatrāsanamavasthitaḥ
87.3
kūrmo'ṅgānīva saṃhatya mano hṛdi nirudhya ca
mātrādvādaśayogena praṇavena śanaiḥ śanaiḥ
87.4
pūrayetsarvamātmānaṃ sarvadvāraṃ nirudhya ca
uromukhakaṭigrīvaṃ kiñcidvudayamunnatam
87.5
prāṇānsandhārayettasmin nāsābhyantaracāriṇaḥ
bhūtvā tatra gataprāṇaḥ śanairatha samutsṛjet
87.6
sthiramātrādṛḍhaṃ kṛtvā aṅguṣṭhena samāhitaḥ
dve gulphe tu prakurvīta jaṅghe caiva trayastrayaḥ
87.7
dve jānunī tathorubhyāṃ gude śiśne trayastrayaḥ
vāyorāyatanaṃ cātra nābhideśe samāśrayet
87.8
tatra nāḍī suṣumnā tu nāḍībhirbahubhirvṛtā
aṇu raktāśca pītāśca kṛṣṇāstāmrā vilohitāḥ
87.9
atisūkṣmāṃ ca tanvīṃ ca śuklāṃ nāḍīṃ samāśrayet
tataḥ saṃcārayetprāṇānūrṇanābhīva tantunā
87.10
tato raktotpalābhāsaṃ hṛdayāyatanaṃ mahat
daharaṃ puṇḍarīkaṃ tad vedānteṣu nigadyate
87.11
tadabhittvā kaṇṭhamāyāti tāṃ nāḍīṃ pūrayanyataḥ
manasastu paraṃ guhyaṃ sutīkṣṇaṃ buddhinirmalam
87.12
pādasyopari yanmarma tadrūpaṃ nāma cintayet
manodvāreṇa tīkṣṇena yogamāśritya nityaśaḥ
87.13
indravajra iti proktaṃ marmajaṅghānukantanam
taddhyānabalayogena dhāraṇābhirnikṛntayet
87.14
ūrvormadhye tu saṃsthāpya marmaprāṇavimocanam
caturabhyāsayogena chindedanabhiśaṅkitaḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (6)
- Kṣurikopaniṣad — Sanskrit
- Īśādiviṃśottaraśatopaniṣadaḥ — Sanskrit
- Aṣṭottaraśatopaniṣadaḥ — Sanskrit
- Vidyārṇavatantra — Sanskrit
- Upaniṣatsaṃgraha — Sanskrit
- Gorakṣasiddhāntasaṃgraha — Sanskrit