Ashtottarashatopanishad 95
Aṣṭottaraśatopaniṣad 95
- Language
- Sanskrit
95.1
iti vajrasūcyupaniṣat samāptā
śāntipāṭhaḥ
oṃ āpyāyantu mamāṅgāni te mayisantu | (pūrvavat)
oṃ śāntiḥ śāntiḥ śāntiḥ
śāntipāṭhaḥ
oṃ saha nāvavatu| saha nau bhunaktu| saha vīryaṃ karavāvahai| tejasvināvadhītamastu mā vidviṣāvahai| (pūrvavat)
oṃ śāntiḥ śāntiḥ śāntiḥ
prathamo'dhyāyaḥ
oṃ tejobinduḥ paraṃ dhyānaṃ viśvātmahṛdi saṃsthitam
āṇavaṃ śāmbhavaṃ śāntaṃ sthūlaṃ sūkṣmaṃ paraṃ ca yat
95.2
duḥkhādyaṃ ca durāādhyaṃ duṣprekṣyaṃ muktamavyayam
durlabhaṃ tatsvayaṃ dhyānaṃ munīnāṃ ca manīṣiṇām
95.3
yatāhāro jitakrodho jitasaṅgo jitendriyaḥ
nirdvandvo nirahaṅkāro nirāśīraparigrahaḥ
95.4
agamyāgamakartā yo gamyā'gamanamānasaḥ
mukhe trīṇi ca vindanti tridhāmā haṃsa ucyate
95.5
paraṃ guhyatamaṃ viddhi hyastatandrī nirāśrayaḥ
somarūpakalā sūkṣmā viṣṇostatparamaṃ padam
95.6
trivaktraṃ triguṇaṃ sthānaṃ tridhātuṃ rūpavarjitam
niścalaṃ nirvikalpaṃ ca nirākāraṃ nirāśrayam
95.7
upādhirahitaṃ sthānaṃ vāṅmano'tītagocaram
svabhāvaṃ bhāvasaṃgrāhyamasaṃghātaṃ padācyutam
95.8
anānānandanātītaṃ duṣprekṣyaṃ muktamavyayam
cintyamevaṃ vinirmuktaṃ śāśvataṃ dhruvamacyutam
95.9
tadbrahmaṇastadadhyātmaṃ tadviṣṇostatparāyaṇam
acintyaṃ cinmayātmānaṃ yadvyoma paramaṃ sthitam
95.10
aśūnyaṃ śūnyabhāvaṃ tu śūnyātītaṃ hṛdi sthitam
na dhyānaṃ ca na ca dhyātā na dhyeyo dhyeya eva ca
95.11
sarvaṃ ca na paraṃ śūnyaṃ na paraṃ nāparātparam
acintyamaprabuddhaṃ ca na satyaṃ na paraṃ viduḥ
95.12
munīnāṃ samprayuktaṃ ca na devā na paraṃ viduḥ
lobhaṃ mohaṃ bhayaṃ darpaṃ kāmaṃ krodhaṃ ca kilbiṣam
95.13
śītoṣṇe kṣutpipāse ca saṃkalpakavikalpakam
na brahmakuladarpaṃ ca na muktigranthisañcayam
95.14
na bhayaṃ na sukhaṃ duḥkhaṃ tathā mānāpamānayoḥ
etadbhāvavinirmuktaṃ tadgrāhyaṃ brahma tatparam
95.15
yamo hi niyamastyāgo maunaṃ deśaśca kālataḥ
āsanaṃ mūlabandhaśca dehasāmyaṃ ca dṛksthitiḥ
95.16
prāṇasaṃyamanaṃ caiva pratyāhāraśca dhāraṇā
ātmadhyānaṃ samādhiśca proktānyaṅgāni vai kramāt
95.17
sarvaṃ brahmeti vai jñānādindriyagrāmasaṃyamaḥ
yamo'yamiti samprokto'bhyasanīyo muhurmuhuḥ
Commentaries (2)
- Aṣṭottaraśatopaniṣadvivaraṇa — Upaniṣadbrahmayogin, Sanskrit
- Vivaraṇa of Upaniṣadbrahmendrayogin — Upaniṣadbrahmendrayogin, Sanskrit
Linked texts (8)
- Tejobindūpaniṣad — Sanskrit
- Īśādiviṃśottaraśatopaniṣadaḥ — Sanskrit
- Aparokṣānubhūti — Śaṅkara, Sanskrit
- Kaivalyasāra — Maritontadārya 1725, Sanskrit
- Tejaupaniṣad — Sanskrit
- Aṣṭottaraśatopaniṣadaḥ — Sanskrit
- Upaniṣatsaṃgraha — Sanskrit
- Aparokṣānubhava — Śaṅkara, Sanskrit