[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Upaniṣads](https://indike.org/pramana/in.veda.upanisad) › [Principal (early) Upaniṣads](https://indike.org/pramana/in.veda.upanisad.mukhya) › Brahmavalli # Brahmavalli (Brahmavallī) ब्रह्मवल्ली - **Language:** Sanskrit - **Date:** 700 BCE – 200 CE - **Extent:** 13 passages, 751 words - **Text:** partly digitised - **Source:** archiveorg · Aarshgranthawali Taittiriya Upnishad; ed. Pandit Rajaram; Aarshgranthawali; 1925 · Scan of a printed edition hosted by the Internet Archive (archive.org); the ancient text is in the public… ## Contents - [1](https://indike.org/pramana/in.veda.upanisad.mukhya.brahmavalli.1) — 12 parts - [2](https://indike.org/pramana/in.veda.upanisad.mukhya.brahmavalli.2) — 1 part ## Text ### [1.2](https://indike.org/pramana/in.veda.upanisad.mukhya.brahmavalli.1.2) brahmavallī (ānandavallī) sahanāvavatu | saha nau bhunaktu| saha vīryaṃ karavāvahai tejasvināvadhītamastu| mā vidviṣāvahai auṃ śāntiḥ ! śāntiḥ !! śāntiḥ !!! auṃ brahmavidāpnoti param | tadeṣābhyuktā | 'satyaṃ jñānamanantaṃ brahma yo veda nihitaṃ guhāyāṃ parame vyoman so'śnute sarvān kāmān| saha brahmaṇā vipaściteti' tasmādvā etasmādātmanaḥ ākāśaḥ sambhūtaḥ ākāśādvāyuḥ| vāyoragniḥ|agnerāpaḥ|adbhyaḥ pṛthivī, pṛthivyā oṣadhayaḥ| oṣadhībhyo'nnam| annātpuruṣaḥ sa'vā eṣa puruṣo'nnarasamayaḥ | tasyedameva śiraḥ|ayaṃ dakṣiṇaḥ pakṣaḥ| ayamuttaraḥ pakṣaḥ | ayamātmā | idaṃ pucchaṃ pratiṣṭhā | tadapyeṣa śloko bhavati dūsarā anuvāda ### [1.2-2](https://indike.org/pramana/in.veda.upanisad.mukhya.brahmavalli.1.2-2) 'annādvai prajāḥ prajāyante | yāḥ kāśca pṛthivīm̐ śritāḥ | atho annenaiva jīvanti | athainadapiyantyantataḥ | anna m̐ hi bhūtānāṃ jyeṣṭham | tasmāt sarvauṣadha mucyate' sarvaṃ vai te'nnamāpnuvanti | ye'nnaṃ brahmopāsate | annaṃ m̐ hi bhūtānāṃ jyeṣṭham | tasmāt sarvauṣadhamucyate | annād bhūtāni jāyante | jātānyannena vardhante | adyate 'tti ca bhūtāni | tasmādannaṃ taducyata iti tasmādvā etasmādannarasamayāt | anyo'ntara ātmā prāṇamayaḥ | tenaiṣa pūrṇaḥ | sa vā eṣa puruṣavidha eva tasya puruṣavidhatām | anvayaṃ puruṣavidhaḥ | tasya prāṇa eva śiraḥ | vyāno dakṣiṇaḥ pakṣaḥ | apāna uttaraḥ pakṣaḥ ākāśa ātmā | pṛthivī pucchaṃ pratiṣṭhā | tadapyeṣa śloko bhavati ### [1.3](https://indike.org/pramana/in.veda.upanisad.mukhya.brahmavalli.1.3) tīsarā anuvāka ### [1.4](https://indike.org/pramana/in.veda.upanisad.mukhya.brahmavalli.1.4) 'prāṇaṃ devā anuprāṇanti | manuṣyāḥ paśavaśca ye' prāṇo hi bhūtānāmāyuḥ | tasmātsarvāyuṣamucyate sarvameva ta āyuryanti | ye prāṇaṃ brahmopāsate prāṇo hi bhūtānāmāyuḥ| tasmāt sarvayuṣa mucyata iti tasyaiṣa eva śārīra ātmā | yaḥ pūrvasya | tasmādvā etasmāt prāṇamayāt| anyo'ntara ātmā manomayaḥ tenaiṣa pūrṇaḥ | sa vā eṣa puruṣavidha eva | tasya puruṣavidhatām | anvayaṃ puruṣa vidhaḥ| tasya yajureva śiraḥ ṛgdakṣiṇaḥ pakṣaḥ| sāmottaraḥ pakṣaḥ| ādeśa ātmā atharvāṅgirasaḥ pucchaṃ pratiṣṭhā | tadapyeṣa śloko bhavati cauthā anuvāka ### [1.4-2](https://indike.org/pramana/in.veda.upanisad.mukhya.brahmavalli.1.4-2) yato vāco nivartante | aprāpya manasā saha ānandaṃ brahmaṇo vidvān | na bibheti kadācaneti tasyaiṣa eva śārīra ātmā | yaḥ pūrvasya | tasmādvā etasmānmanomayāt | anyo'ntaraātmā vijñānamayaḥ tenaiṣa pūrṇaḥ | sa vā eṣa puruṣavidha eva | tasya puruṣavidhatām | anvayaṃ puruṣavidhaḥ | tasya śraddhaiva śiraḥ | ṛtaṃ dakṣiṇaḥ pakṣaḥ | satyamuttaraḥ pakṣaḥ | yoga ātmā mahaḥ pucchaṃ pratiṣṭhā | tadapyeṣa śloko bhavati ### [1.5](https://indike.org/pramana/in.veda.upanisad.mukhya.brahmavalli.1.5) pāṃcavāṃ anuvāka ### [1.5-2](https://indike.org/pramana/in.veda.upanisad.mukhya.brahmavalli.1.5-2) vijñānaṃ yajñaṃ tanute | karmāṇi tanute'pica vijñānaṃ devāḥ sarve | brahma jyeṣṭhamupāsate | vijñānaṃ brahma cedveda | tasmāccenna pramādyati | śarīre pāpmano hitvā sarvān kāmāntsamaśnuta iti | tasyaiṣa eva śārīra ātmā | yaḥ pūrvasya tasmādvā etasmādvijñānamayāt | anyo'ntaraātmā ''nandamayaḥ | tenaiṣa pūrṇaḥ | sa vā eṣa puruṣa vidhaeva | tasya puruṣavidhatām || anvayaṃ puruṣavidhaḥ tasya priyameva śiraḥ | modo dakṣiṇaḥ pakṣaḥ| pramoda uttaraḥ pakṣaḥ | ānanda ātmā | brahma pucchaṃ pratiṣṭhā tadapyeṣa śloko bhavati ### [1.6](https://indike.org/pramana/in.veda.upanisad.mukhya.brahmavalli.1.6) asanneva sa bhavati| asad brahmeti veda cet asti brahmeti cedveda| santamenaṃ tato viduriti| tasyaiṣa eva śārīra ātmā|| yaḥ pūrvasya|| athā'to'nupraśnāḥutāvidvānamuṃ lokaṃ pretya¹ kaścana gacchatī 3 āho vidvānamuṃ lokaṃ pretya¹ kaścita samaśnutā 3 u so'kāmayata| bahu syāṃ prajāyeyeti| sa tapo'tapyata| sa tapastaptvā| ida ḹ sarvamasṛjata| yadidaṃ kiñca| tatsṛṣṭvā| tadevānuprāviśat| tadanupraviśya sacca tyaccābhavat| niruktaṃ cāniruktaṃ ca| nilayanaṃ cānilayanaṃ ca | vijñānaṃ cāvijñānaṃ ca | satyaṃ cānṛtaṃ ca satyamabhavat | yadidaṃ kiṃca | tatsatyamityācakṣate tadapyeṣa śloko bhavati ### [1.7](https://indike.org/pramana/in.veda.upanisad.mukhya.brahmavalli.1.7) sātavāṃ anuvāka ### [1.7-2](https://indike.org/pramana/in.veda.upanisad.mukhya.brahmavalli.1.7-2) asadvā idamagra āsīt | tato vai sadajāyata tadātmāna m̐ svayamakuruta | tasmāt tat sukṛtamucyata iti || yadvaitatsukṛtam | raso vai saḥ | rasa m̐ hyevāyaṃ labdhvā''nandī bhavati | ko hyevānyāt kaḥ prāṇyāt yadeṣa ākāśa ānando na syāt||eṣahyevānandayāti yadā hyevaiṣa etasminnadṛśye'nātmye'nirukte'nilayane 'bhayaṃ pratiṣṭhāṃ vindate ' atha so'bhayaṃ gato bhavati yadā hyevaiṣa etasminnudaramantaraṃ kurute || atha tasya bhayaṃ bhavati | tattveva bhayaṃ viduṣo'manvānasya | tadapyeṣa śloko bhavati ### [1.8](https://indike.org/pramana/in.veda.upanisad.mukhya.brahmavalli.1.8) āṭhavāṃ anuvāka ### [1.8-2](https://indike.org/pramana/in.veda.upanisad.mukhya.brahmavalli.1.8-2) bhīṣā'smād vātaḥ pavate | bhīṣodeti sūryaḥ bhīṣā'smādagniścendraśca | mṛtyurdhāvati pañcama iti saiṣā''nandasya mīmā  sā bhavati | yuvā syāt sādhu yuvā 'dhyāyakaḥ| āśiṣṭho draḍhiṣṭhobaliṣṭhaḥ|tasyeyaṃpṛthivī sarvā vittasya pūrṇā syāt || sa eko mānuṣa ānandaḥ te ye śataṃ mānuṣā ānandāḥ \[ 1 \] | sa eko manuṣyagandharvāṇāmānandaḥ | śrotriyasya cākāmahatasya | te ye śataṃ manuṣyagandharvāṇā mānandāḥ | sa eko devagandharvāṇāmānandaḥ | śrotriyasya cākāmahatasya | te ye śataṃ devagandharvāṇāmānandāḥ | sa ekaḥ pitṝṇāṃ ciralokalokānāmānandaḥ | śrotriyasya cākāmahatasya | te ye śataṃ pitṝṇāṃ ciralokalokānāmānandāḥ sa eka ājānajānāṃ devānā mānandaḥ \[2\] śrotriyasya cākāmahatasya | te ye śata mājānajānāṃ devānāmānandāḥ | sa ekaḥ karmadevānāṃ devānā mānandaḥ ye karmaṇā devānapiyanti | śrotriyasya cākāmahatasya te ye śataṃ karmadevānāṃ devānāmānandāḥ | sa eko devānāmānandaḥ | śrotriyasya cākāmahatasya | te ye śataṃ devānāmānandāḥ | sa eka indrasyānandaḥ \[ 3 \] śrotriyasya cākāmahatasya | te ye śatamindrasyā''nandāḥ | sa eko bṛhaspaterānandaḥ | śrotriyasya cākāmahatasya | te ye śataṃ bṛhaspaterānandāḥ | sa ekaḥ prajāpaterānandaḥ | śrotriyasya cākāmahatasya | te ye śataṃ prajāpaterānandāḥ sa eko brahmaṇa ānandaḥ śrotriyasya cākāmahatasya \[ 4 \] sa yaścāyaṃ puruṣe | yaścāsāvāditye | sa ekaḥ sa ya evaṃvit | asmāllokātpretya | etamannamayamātmānamupasaṃkrāmati | etaṃ prāṇamaya mātmāna mupasaṃkrāmati | etaṃ manomayamātmāna mupasaṃkrāmati | etaṃ vijñānamaya mātmāna mupasaṃkrāmati | etamānandamayamātmāna mupasaṃkrāmati || tadapyeṣa śloko bhavati ### [2.1](https://indike.org/pramana/in.veda.upanisad.mukhya.brahmavalli.2.1) yato vāco nivartante | aprāpya manasā saha ānandaṃ brahmaṇo vidvān | na bibheti kutaścaneti | etaṃ ha vāva na tapati | kimaham̐ sādhu nākaravam | kimahaṃ pāpamakaravamiti | sa ya evaṃ vidvānete ātmānam̐ spṛṇute| ubhe hyevaiṣa ete ātmānam̐ spṛṇute | ya evaṃ veda | ityupaniṣat † brahmavid, idaṃ, ayaṃ, idaṃ, ekaviṃ‌śatiḥ ( 1 ) annāt annarasamayaḥ, prāṇaḥ, vyānaḥ apānaḥ, ākāśaḥ, pṛthivī pucchaṃ, ṣaḍvim̐śatiḥ (2) prāṇaṃ, yajuḥ, ṛk, sāma, ādeśaḥ, atharvāṅgirasaḥ pucchaṃ, dvāvim̐śatiḥ ( 3 ) yataḥ, śraddhā, ṛtam̐, satyaṃ, yogaḥ, mahaḥ, aṣṭādaśa (4) vijñānaṃ, priyaṃ, modaḥ pramodaḥ ānandaḥ, brahmapucchaṃ, dvāvim̐śatiḥ (5) asanneva, aṣṭāvim̐śatiḥ (6) asata, ṣoḍaśa † sahanāvavatu | saha nau bhunaktu | sahavīryaṃ karavāvahai | tejasvināvadhītamastu | māvidviṣāvahai | o3m | śāntiḥ śāntiḥ śāntiḥ o3m | sahanāvavatu | sahanau bhunaktu | sahavīryaṃ karavāvahai | tejasvināvadhītamastu | māvidviṣāva hai | o3m śāntiḥ śāntiḥ śāntiḥ bhṛgurvai vāruṇiḥ | varuṇaṃ pitaramupasasāra | adhīhi bhagavo brahmeti | tasmā etatprovāca | annaṃ prāṇaṃ cakṣuḥ śrotraṃ mano vācamiti | tam̐hovāca | yato vā imāni bhūtāni jāyante | yena jātāni jīvanti | yat prayantyabhi saṃviśanti | tadvijijñāsasva | tad brahmeti sa tapo'tapyata | sa tapastaptvā ## Commentaries (1) - [Brahmavallībhāṣya](https://indike.org/pramana/in.veda.upanisad.mukhya.brahmavalli!brahmavallibhasya) — Sanskrit, not yet digitised ## See also: more in [Principal Upanishads](https://indike.org/pramana/in.veda.upanisad.mukhya) - [Brihadaranyaka Upanishad (Bṛhadāraṇyakopaniṣad)](https://indike.org/pramana/in.veda.upanisad.mukhya.brhadaranyaka) — Sanskrit; 725–550 BCE - [Chandogya Upanishad (Chāndogyopaniṣad)](https://indike.org/pramana/in.veda.upanisad.mukhya.chandogya) — Sanskrit; 725–550 BCE - [Katha Upanishad (Kaṭhopaniṣad)](https://indike.org/pramana/in.veda.upanisad.mukhya.katha) — Sanskrit; 400–200 BCE - [Isha Upanishad (Īśopaniṣad)](https://indike.org/pramana/in.veda.upanisad.mukhya.isa) — Sanskrit; 400–200 BCE - [Mandukya Upanishad (Māṇḍūkyopaniṣad)](https://indike.org/pramana/in.veda.upanisad.mukhya.mandukya) — Sanskrit; 0–200 CE - [Mundaka Upanishad (Muṇḍakopaniṣad)](https://indike.org/pramana/in.veda.upanisad.mukhya.mundaka) — Sanskrit; 200 BCE – 0 CE --- Source: [https://indike.org/pramana/in.veda.upanisad.mukhya.brahmavalli](https://indike.org/pramana/in.veda.upanisad.mukhya.brahmavalli) · Pramāṇa