Pramāṇa · Search · About · API

Chandogya Upanishad 1.p50

Chāndogyadīpikā 1.p50

Language
Sanskrit

1.p50

nānā iti || tuśabdaḥ pakṣavyāvṛttyarthaḥ | upāsanaṃ oṃkārārthamityayaṃ pakṣo na saṃgacchate | kutaḥ | yasmādvidyā cāvidyā ca nānā upāstitadbhāvau vilakṣaṇaphalopetau | kathamiti cet, ucyate| vidyayā yathoktājñāvabaddhopāsanena śraddhayā tadviṣayāstikyena upaniṣadā yogenaikāgryalakṣaṇena copetaḥ san yadeva karma karoti tadeva karmopāsanarahitātkarmaṇo'tiśayena vīryavadbhavati | śrutyuktasya karmaphalasya samṛddhirupāsanasya phalaṃ yathā maṇivikrayaṃ kurvatorvaṇikśabarayormaṇimahimābhijñena vaṇijā[phala]madhikaṃ labhyate tadvadityarthaḥ | itiśabda upāsti samāptyarthaḥ | sopāstinirupāstyoḥ karmaṇoḥ phalatāratamyaṃ caturthādhyāyasya prathamapāde trayodaśādhikaraṇe cintitam |

Linked texts (1)