Chandogyadipika 10

Chāndogyadīpikā 10

Language: Sanskrit

10.p4

brahmavidiva vai somya bhāsi ko nu tvā'nuśaśāseti

anye manuṣyebhya iti ha pratijajñe | bhagavāṃstveva me kāme brūyāt || [2] śrutaṃ hyeva me bhagavaddṛśebhya ācāryādaiva vidyā viditā sādhiṣṭhaṃ prāptatīti || tasmai haitadevovāca atra ha na kiṃcana vīyāyeti vīyāyeti || [3]

10.p6

upakosalo ha vai kāmalāyanaḥ satyakāme jābāle brahmacaryamuvāsa

10.p7

tasya ha dvādaśa varṣāṇyagnīn paricacāra

10.p8

sa ha samānyānantevāsinaḥ samāvartayāñcakra uha smaiva na samāvartayati || [1]

10.p9

taṃ jāyovāca—tapto brahmacārī kuśalamagnīn paricacārīnmā svā''gnayaḥ parigravocanprabrūhasmā iti

10.p10

tasmai hāprocyaiva pravāsāṃcakre || [2]

10.p11

sa ha vyādhinā'naśituṃ dadhre

10.p12

tamācāryajāyovāca—brahmacārinnaśāna kiṃ nu nāśnāsīti

10.p13

sa hovāca-bahava ime'smin puruṣe kāmā nānātyayā vyādhibhiḥ pratipūrṇo'smi nāśiṣyāmīti ||[3]

10.p14

atha hāgnayaḥ samūdire tapto brahmacārī kuśalaṃ naḥ paryacārīd hantāsmai prabravāyeti

10.p15

tasmai hocuḥ| prāṇo brahma kaṃ brahma khaṃ braheti ||[4]

10.p16

sa hovāca vijānāmyahaṃ yatprāṇo brahma| kaṃ ca tu khaṃ ca na vijānāmīti

10.p17

te hocuryadvāva kaṃ tadeva khaṃ yadeva khaṃ tadeva kam

10.p18

prāṇaṃ ca hāsmai tadākāśaṃ cocuḥ || [5]

10.p19

atha hainaṃ gārhapatyo'nuśaśāsa pṛthivyagnirannamāditya iti| ya eṣa āditye puruṣo dṛśyate so'hamasi sa evāhamasmīti || [1]

10.p20

sa ya evametaṃ vidvānupāste'pahate pāpakṛtyāṃ lokī bhavati sarvamāyureti jyogjīvati nāsyāparapuruṣāḥ kṣīyanta upa vayaṃ taṃ bhuñjāmo'smim̐śca loke'muṣmim̐śca ya etamevaṃ vidvānupāste ||[2]

10.p21

atha hainamanvāhāryacano'nuśaśāsa'po diśo nakṣatrāṇi candramā iti| ya eṣa candramasi puruṣo dṛśyate so'hamasmi sa evāhamasmīti || [1]

10.p22

sa ya etamevaṃ vidvānupāste'pahate pāpakṛtyāṃ lokī bhavati sarvamāyureti jyogjīvati nānāsyāparaṃ puruṣāḥ kṣīyanta upa vayaṃ taṃ bhuñjāmo'smiṃśca loke'muṣmiṃśca ya etamevaṃ vidvānupāste || [2]

10.p23

atha hainamāhavanīyo'nuśaśāsa prāṇa ākāśo dyaurvidyuditi| ya eṣa vidyuti puruṣo dṛśyate so'hamasmi sa evāhamasmīti || [1]

10.p24

sa ya etamevaṃ vidvānupāste'pahate pāpakṛtyāṃ lokībhavati sarvamāyureti jyogjīvati nāsyāparapuruṣāḥ kṣīyanta upa vayaṃ taṃ bhuñjāno'smiṃśca loke'muṣmiṃśca ya etamevaṃ vidvānupāste || [2]