Pramāṇa · Search · About · API

Chandogyadipika 13

Chāndogyadīpikā 13

Language
Sanskrit

13.p1

iti chāndogye caturtho'dhyāyaḥ samāptaḥ

13.p2

yo ha vai jyeṣṭhaṃ ca śreṣṭhaṃ ca veda jyeṣṭhaśca ha vai śreṣṭhaśca bhavati

13.p3

prāṇo vāva jyeṣṭhaśca śreṣṭhaśca ||[1]

13.p4

yo ha vai vasiṣṭhaṃ veda vasiṣṭho ha svānāṃ bhavati

13.p5

vāgvāva vasiṣṭhaḥ || [2]

13.p6

yo ha vai pratiṣṭhāṃ veda prati ha tiṣṭhatyasmiṃśca loke'muṣmiṃśca

13.p7

cakṣurvāva pratiṣṭhā ||[3]

13.p8

yo ha vai saṃpadaṃ veda sam̐hāsmai kāmāḥ padyante daivāśca mānuṣāśca

13.p9

śrotraṃ vāva saṃpat ||[4]

13.p10

yo ha vā āyatanaṃ vedā''yatanaśha svānāṃ bhavati

13.p11

mano ha vā āyatanam ||[5]

13.p12

atha ha prāṇā aham̐śreyasi vyūdire'ham̐śreyānasmyaham̐śreyānasmīti || [6]

13.p13

te ha prāṇāḥ prajāpatiṃ pitarametyocuḥ bhagavanko na śreṣṭha iti

13.p14

tānhovāca-yasminva utkrānte śarīraṃ pāpiṣṭhataramiva dṛśyate sa vaḥ śreṣṭha iti || [7]

13.p15

sā ha vāgrucacakrāma

13.p16

sā heti

13.p17

sā saṃvatsaraṃ proṣya paryetyovāca-kathamaśakateṃṃ majjīvītumiti

13.p18

yathākalā⁴ avadantaḥ prāṇantaḥ prāṇena paśyantaścakṣuṣā śṛṇvantaḥ śrotreṇa dhyāyanto manasaivamiti

13.p19

praviveśa ha vāk ||[8]

13.p20

cakṣurhauṃccakrāma tatsaṃvatsaraṃ proṣya paryetyovāca-kathamaśakatarte majjīvitumiti

13.p21

yathāndhāḥ apaśyanta prāṇantaḥ prāṇena vadanto vācā śṛṇvantaḥ śrotreṇa dhyāyanto manasaivamiti

13.p22

prāviveśa ha cakṣuḥ || [9]

13.p23

śrotraṃ hoccakrāma tatsaṃvatsaraṃ proṣya paryetyovāca-kathamaśakarteṃ majjīvitumiti| yathā badhirā aśṛṇvanta prāṇantaḥ prāṇena vadanto vācā paśyantaścakṣuṣā dhyāyanto manasaivamiti praviveśa ha śrotum || [10]

13.p24

mano hoccakrāma tatsaṃvatsaraṃ proṣya paryetyovāca-kathamaśakarteṃ majjīvitumiti| yathā bālā amanasaḥ prāṇantaḥ prāṇena vadanto vācā paśyantaścakṣuṣā śṛṇvantaḥ śrotreṇaivamiti praviveśa ha manaḥ || [11]

13.p25

atha ha prāṇa uccikramiṣan yathā suhayaḥ paḍvīśaśaṃkūnsaṃkhidedevamitarānprāṇānsamakhidat

13.p26

ta hābhisametyocurbhagavannedhi tvaṃ naḥ śreṣṭho'si motkramīriti || 12

13.p27

atha hainaṃ vāguvāca-yadahaṃ vasiṣṭho'smi tvaṃ tadvasiṣṭho'sīti

13.p28

atha hainaṃ cakṣuruvāca-yad haṃ pratiṣṭhā'smi tvaṃ tatpratiṣṭhā'sīti || 13

13.p29

atha hainam̐śrotramuvāca-yadaham̐ saṃpadā'smi tvaṃ tatsaṃpadasīti

13.p30

atha hainaṃ mana uvāca-yadahamāyatanamasmi tvaṃ tadāyatanamasīti || 14

13.p31

na vai vāco na cakṣūm̐ṣi na śrotrāṇi na manām̐sītyācakṣate

13.p32

prāṇā ityevā''cakṣate | prāṇo hyevaitāni sarvāṇi bhavati || 15

13.p33

iti pañcamādhyāyasya prathamaḥ khaṇḍaḥ

Linked texts (8)