Chandogya Upanishad 18.p4
Chāndogyadīpikā 18.p4
- Language
- Sanskrit
18.p4
itīti || iti tu evaṃ tu śraddhāsomavarṣānnaretohomaparyāyakrameṇa pañcamyāmāhutau hutāyāṃ satyāmāpo'gnihotrāhutisamavādinyaḥ āpoyoṣāgniṃ prāpya garbhībhūtāḥ satyaḥ puruṣavacasaḥ puruṣaśabdavācyā bhavanti | itiśabdaścaramapraśnaparihārasamāptidyotanārthaḥ | yadyapi trivṛtkṛtānāmeva bhūtānāṃ dehādikāryārambhakatvaṃ tathāpi samuditānyeva bhūtāni apbahulāni karmasamavāyīni santi | somavṛṣṭyannaretodehakārya(yo)raṃbhakāṇītyapāṃ bāhulyena āpaḥ puruṣavacaso bhavantītyucyante | dṛśyate candrādiṣu dravabāhulyam | yadyapi śarīraṃ pārthivaṃ tathāpi pañcamyāmāhutau hutāyāṃ retorūpā āpo garbhībhūtāḥ satyaḥ śarīramārabhanta ityāpaḥ puruṣavacaso bhavantītyucyata ityavirodhaḥ ||
Linked texts (1)
- Chāndogyopaniṣad — Sanskrit