Chandogyadipika 27
Chāndogyadīpikā 27
- Language
- Sanskrit
27.p1
ṣoḍaśakalaḥ somya puruṣaḥ
27.p2
pañcadaśāhāni mā''śo kāmampaḥ pibāpomayaḥ prāṇo na pibato vicchetsyata iti || [1]
27.p3
sa ha pañcadaśāhāni nā''śa
27.p4
athai hainamupasasāda kiṃ bravīmi bho iti || [2]
27.p5
ṛcaḥ somya yajūṃṣi sāmānīti
27.p6
sa hovāca-na vai mā pratibhāti bho iti
27.p7
taṃ hovāca-yathā somya mahato'bhyāhitasyaiko'ṅgāraḥ khadyotamātraḥ pariśiṣṭaḥ syāttena tato'pi na bahu dahedevaṃ somya te ṣoḍaśānāṃ kalānāmekā kalpa(lā)tiśiṣṭā syāttayaitarhi vedānnānubhavasyaśāna(nā)tha me vijñāsyasīti || [3]
27.p8
sa ha''śātha hainamupasasāda taṃ ha yatkiṃca papraccha sarvaṃ ha pratipede || [4]
27.p9
ta ṃ hovāca | yathā somya mahato'bhyāhitasyaikamaṅgāraṃ khadyotamātraṃ pariśiṣṭaṃ taṃ tṛṇairupasamādhāya pra(prā)jvalayettena tato'pi bahu dahet || [5] evaṃ somya te ṣoḍaśānāṃ kalānāmekā kalātiśiṣṭā'bhūtsā'nnenopasamāhitā prājvālī tayaitarhi vedānubhavasi
27.p10
annamaya ' hi somya manaḥ | āpomayaḥ prāṇastejomayī vāgiti
27.p11
taddhāsya vijajñāviti vijajñāviti || [6]
27.p12
uddālako hā''ruṇiḥ śvetaketuṃ putramuvāca svapnāntaṃ me somya vijānīhīti
27.p13
yatraitatpuruṣaḥ svapiti nāma
27.p14
satā somya tadā saṃpanno bhavati svamapīto bhavati tasmādenam̐ svapītyācakṣate svam̐apīto bhavati || [1]
27.p15
sa yathā śakuniḥ sūtreṇa prabandho(ddho) diśaṃ diśaṃ patitvā'nyatrāsyatanamalabdhvā bandhanamevopaśrayata evameva khalu somya tanmano diśaṃ diśaṃ patitvā'nyatrāsyatanamalabdhvā prāṇamevopaśrayate prāṇabandhanaṃ hi somya mana iti || 2
27.p16
sa yatheti
27.p17
aśanāpipāse me somya vijānīhīti
27.p18
yatraitat puruṣo'śiśiṣati nāma
27.p19
kiṃ nimittamityatrāha āpa eva tadaśitaṃ nayanta iti
27.p20
tataḥ kimityatrāha-
27.p21
tadyathā gonāyo'śvanāyaḥ puruṣanāya ityevaṃ tadapa ācakṣate'śanāyeti
27.p22
kiṃ (i)tyata ityatrāha-
27.p23
tatraitacchuṅgamutpatita ॅ somya vijānīhi
27.p24
nedamamūlaṃ bhaviṣyatīti || [3]
27.p25
tasya kva mūlaṃ syāt
27.p26
anyatrānnāt
27.p27
evameva khalu somyānnena śuṅgenāpo mūlamanviccha
27.p28
adbhiḥ somya śuṅgena tejo mūlamanviccha| tejasā somya śuṅgena sanmūlamanviccha
27.p29
sanmūlāḥ somyemāḥ sarvāḥ prajāḥ sadāyatanāḥ satpratiṣṭhāḥ || [4]
27.p30
atha yatraitatpuruṣaḥ pipāsati nāma
27.p31
teja eva tatpītaṃ nayate
27.p32
tadyathā gonāyo'śvanāyaḥ puruṣanāya ityevaṃ teja ācaṣṭa udanyeti
27.p33
tatraitacchuṅgamutpatitaṃ somya vijānīhi nedamamūlaṃ bhaviṣyatīti || [5]
27.p34
tasya kva mūlaṃ syāt
27.p35
anyatrādbhyaḥ
27.p36
adbhiḥ somya śuṅgena tejo mūlamanviccha tejasā somya śuṅgena sanmūlamanviccha
27.p37
sanmūlāḥ somyemāḥ sarvāḥ prajāḥ sadāyatanāḥ satpratiṣṭhāḥ
27.p38
yathā khalu somyemāstisro devatāḥ puruṣaṃ prāpya trivṛttrivṛdekaikā bhavati taduktaṃ purastādeva bhavati
27.p39
asya somasya (somya) puruṣasya prayato vāṅmanasi saṃpadyate, manaḥ prāṇe prāṇastejasi, tejaḥ parasyāṃ devatāyām || [6] sa ya eṣo'ṇimaitadātmyamidaṃ sarvaṃ sa(ta)tsatyaṃ sa ātmā tattvamasi śvetaketo iti
27.p40
yaṃ yaṃ vāpi smaranbhāvaṃ tyajatyante kalevaram | taṃ tameveti kaunteya sadā tadbhāva bhāvitaḥ || [ bha. gī. 8-6 ]
27.p41
bhūya etra mā bhagavān vijñāpayatviti
27.p42
tathā somyeti hovāca || [7]
27.p43
iti ṣaṣṭhādhyāyasyāṣṭamaḥ khaṇḍaḥ
Linked texts (9)
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Upaniṣads — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit
- Sadvidyāvilāsa — Tyāgarājamakhin, Sanskrit