Chandogyadipika 30

Chāndogyadīpikā 30

Language: Sanskrit

30.p1

vāgvāva nāmno bhūyasi(sī) || vāgvā ṛgvedaṃ vijñāpayati yajurvedam̐ sāmavedamātharvaṇaṃ caturthamitihāsapurāṇaṃ pañcamaṃ vedānāṃ vedaṃ pitryam̐ rāśiṃ daivaṃ nidhiṃ vākovākyamekāyanaṃ vedavidyāṃ brahmavidyāṃ bhūtavidyāṃ kṣatravidyāṃ [nakṣatravidyāṃ] sarpadevajanavidyāṃ divaṃ ca pṛthivīṃ ca vāyuṃ cā''kāśaṃ cā'paśca tejaśca devām̐śca manuṣyām̐śca paśūm̐śca vayām̐si ca tṛṇavanaspatīm̐ścāpadānyākīṭapataṅgapipīlakaṃ dharmaṃ cādharmaṃ ca satyaṃ cānṛtaṃ ca sādhu cāsādhu ca hṛdayajñaṃ cāhṛdayajñaṃ ca | yadvai vāṅ nābhaviṣyanna dharmo nādharmo vyajñāpayiṣyanna satyaṃ nānṛtaṃ na sādhu nāsādhu na hṛdayajño nāhṛdayajñaḥ | vāgevaitatsarvaṃ vijñāpayati

30.p2

vācamupāsva || [1]

30.p3

sa yo vācaṃ brahmetyupāste yāvadvāco gataṃ tatrāsya yathākāmacārī bhavati

30.p4

yo vācaṃ brahmetyupāste

30.p5

asti bhagavo vāco bhūya iti

30.p6

vāco vāva bhūyostīti

30.p7

tanme bhagavān bravītviti || [2]

30.p8

mano vāva vāco bhūyaḥ

30.p9

yathā vai dve vāmalake dve vā kole dvau vākṣau muṣṭiranubhavatyevaṃ vācaṃ ca nāma ca mano'nubhavati

30.p10

sa yadā manasā manasyati mantrānadhīyīyetyathādhīte karmāṇi kurvīyetyathā kurute putrāṃśca paśūṃśceccheyetyathecchata imaṃ ca lokamamuṃ ceccheyetyathecchate mano hyātmā mano hi loko mano hi brahma

30.p11

mana upāssva || [ 1 ]

30.p12

sa yo mano brahmetyupāste yāvanmanaso gataṃ tatrāsya yathākāmacāro bhavati

30.p13

yo mano brahmetyupāste || asti bhagavo manaso bhūya iti

30.p14

manaso vāva bhūyo'stīti

30.p15

tanme bhagavān bravītviti

30.p16

saṃkalpo vāva manaso bhūyān

30.p17

yadā vai saṃkalpayate'tha manasyatyatha vācamīrayati tām(sru) nāmnīrayati nāmni mantrā ekaṃ bhavanti mantreṣu karmāṇi || [1] tāni ha vā etāni saṃkalpaikāyanāni saṃkalpātmā1 saṃkalpe pratiṣṭhitāni samakalpatāṃ dyāvāpṛthivī samakalpetāṃ vāyu śrā''kāśaṃ ca samakalpantā''paśca tejaśca teṣāṃ saṃkalptyai varṣaṃ saṃkalpate varṣasya saṃkalptyā annaṃ saṃkalpate'nnasya saṃkalptyai prāṇāḥ saṃkalpante prāṇānāṃ saṃkalptyai mantrāḥ saṃkalpante mantrāṇāṃ saṃkalptyai karmāṇi saṃkalpante karmā (rma)ṇāṃ saṃkalptyai lokaḥ saṃkalpate lokasya saṃkalptyai sarvaṃ saṃkalpate sa eṣa saṃkalpaḥ

30.p18

saṃkalpamupāsva || [2]

30.p19

sa yaḥ saṃkalpaṃ brahmetyupāste klṛptānvai sa lokān dhruvāndhruvaḥ pratiṣṭhitānpratiṣṭhito'vyathamānānvyathamāno'bhisidhyati | yāvatsaṃkalpasya gataṃ tatrāsya yathākāmacāro bhavati

30.p20

asti bhagavaḥ saṃkalpād bhūya iti

30.p21

saṃkalpādvāva bhūyo'stīti

30.p22

tanme bhagavān bravītviti || [3]

30.p23

cittaṃ vāva saṃkalpādbhūyaḥ

30.p24

yadā vai cetayate'tha saṃkalpayate'tha manasyatyatha vācamīrayati tāmu nāmnīrayati nāmni mantrā ekaṃ bhavanti mantreṣu karmāṇi || [1] tāni ha vā etāni cittaikāyanāni cittātmāni citte pratiṣṭhitāni tasmādyadyapi bahuvidcitto bhavati nāyamastītyevainamāhuryadayaṃ veda yadvā'yaṃ vidvānnetthamacittaḥ syādityatha yadyalpavicittavān bhavati tasmā etota śuśrūyante cittaṃ hyevaiṣāmekāyanaṃ cittātmā cittaṃ pratiṣṭhā