Chandogyadipika 31
Chāndogyadīpikā 31
- Language
- Sanskrit
31.p1
dhyānaṃ vāva cittādbhūyaḥ
31.p2
dhyāyatīva pṛthivī dhyāyatīvāntarikṣaṃ [dhyāyatīvadyauḥ] dhyāyatīvā''po dhyāyatīva parvatā dhyāyantīva devamanuṣyāstasmādya iha manudhyāṇāṃ mahatāṃ prāpnuvanti dhyānāpādāṃśā ivaiva te bhavantyatha ye'lpāḥ kalahinaḥ piśunā upavādinaste'tha ye prabhavo dhyānāpādāṃśā ivaiva te bhavanti
31.p3
dhyānamupāsva²
31.p4
sa yo dhyānaṃ brahmetyupāste yāvaddhyānasya gataṃ tatrāsya yathākāmacāro bhavati
31.p5
yo dhyānaṃ brahmetyupāste
31.p6
asti bhagavo dhyānādbhūya iti
31.p7
astīti
31.p8
dhyānādvāva bhūyo'stīti
31.p9
tanme bhagavān bravītviti || [3]
31.p10
vijñānaṃ vāva dhyānād bhūyaḥ
31.p11
vijñānena vā ṛgvedaṃ vijānāti yajurvedaṃ sāmavedamātharvaṇaṃ caturthamitihāsapurāṇaṃ pañcamaṃ vedānāṃ vedaṃ pitryaṃ rāśiṃ daivaṃ nidhiṃ vākovākyamekāyanaṃ vedavidyāṃ brahmavidyāṃ bhūtavidyāṃ kṣatravidyāṃ nakṣatravidyāṃ divaṃ ca pṛthivīṃ ca vāyuṃ cā''kāśaṃ cā'paśca tejaśca devāṃśca manuṣyāṃśca paśūṃśca vayāṃsi ca tṛṇavanaspatīnśvāpadānyākīṭapataṅgapipīlikam | dharmaṃ cādharmaṃ ca satyaṃ cānṛtaṃ ca sādhu cāsādhu ca hṛdayaṃ cāhṛdayaṃ cānnaṃ ca rasaṃ cemaṃ ca lokamuṃ ca vijñānenaiva vijānāti
31.p12
vijñānamupāstra || [1]
31.p13
sa ya vijñānaṃ brahmetyupāste vijñānavato vai sa lokāñ jñānavato'bhisidhyati | yāvadvijñānasya gataṃ tatrāsya yathākāmacāro bhavati
31.p14
yo vijñānaṃ brahmetyupāste
31.p15
asti bhagavo vijñānād bhūya iti
31.p16
vijñānādvā bhūyo'stīti
31.p17
tanme bhagavān bravītviti || [3]
31.p18
iti saptamaḥ khaṇḍaḥ
31.p19
iti sāmavedārthaprakāśo upaniṣadvyākhyāne saptamādhyāyasya saptamaḥ khaṇḍaḥ
Linked texts (11)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Different Upaniṣads — Sanskrit
- Upaniṣads — Sanskrit
- Īśādidvādaśopaniṣadaḥ — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit