Chandogyadipika 33
Chāndogyadīpikā 33
- Language
- Sanskrit
33.p1
āśā vāva smārādbhūyasī
33.p2
āśeoddho vai smaro mantrānadhīte karmāṇi kurute putrāṃśca paśūm̐ śrecchata imaṃ ca lokamamuṃ cecchate
33.p3
āśāmupāssveti || [1]
33.p4
ya āśāṃ brahmetyupāsta āśayāsya sarve kāmāḥ samṛdhyantyamoghā hāsyā''śiṣo bhavanti| yāvadāśāyā gataṃ tatrāsya yathākāmacāro bhavati
33.p5
ya āśāṃ brahmetyupāste
33.p6
asti bhagava āśayā bhūya iti
33.p7
āśayā vāva bhūyo'stīti
33.p8
tanme bhagavān bravītviti || [2]
33.p9
prāṇo vāva āśād (yā ?) bhūyān
33.p10
yathā vā arā nābhau samarpitā evamasmin prāṇe sarvaṃ samarpitam | prāṇaḥ prāṇena yāti prāṇaḥ prāṇaṃ dadāti prāṇāyā dadāti
33.p11
prāṇo ha pitā prāṇo mātā prāṇo bhrātā prāṇaḥ svasā prāṇa ācāryaḥ prāṇo brāhmaṇaḥ || [1]
33.p12
sa yadi pitaraṃ vā mātaraṃ vā bhrātāraṃ vā svasāraṃ vācāryaṃ vā brāhmaṇaṃ vā kiñcidbhṛśamiva pratyāha | dhik tvā'stvityenamāhuḥ | pitṛhā vai tvamasi mātṛhā vai tvamasi bhrātṛhā vai tvamasi svasṛhā vai tvamasyācāryahā vai tvamasi brāhmaṇahā vai tvamasīti || [2] atha yadyapyenānutkāntaprāṇāñchūlena samāsaṃ vyatipa(ṃ)dahennaivainaṃ brūyuḥ pitṛhāsīti na mātṛhāsīti na bhrātṛhāsīti na svasṛhāsīti nā''cāryahāsīti na brāhmaṇahāsīti || [3]
33.p13
prāṇo hyevaitāni sarvāṇi bhavati
33.p14
sa vā eṣa evaṃ paśyannevaṃ manvāna evaṃ vijānanativādī bhavati | taṃ yet brūyūrativādyasītyativādyasmīti brūyāt nāpahnuvīta || [4]
33.p15
eṣa tu vā ativadati yaḥ satyenātivadati| so'haṃ bhagavaḥ satyenātivadānīti
33.p16
satyaṃ tveva vijijñāsitavyamiti
33.p17
satyaṃ bhagavo vijijñāsa iti || [1]
33.p18
yadā vai vijānātyatha satyaṃ vadati nāvijānan satyaṃ vadati vijānaneva satyaṃ vadati vijñānaṃ tveva vijijñāsitavyamiti
33.p19
vijñānaṃ bhagavo vijijñāsa iti || [1]
33.p20
yadā vai manute'tha vijānāti nāmatvā vijānāti matvaiva vijānāti matistveva vijijñāsitavyeti
33.p21
matiṃ bhagavo vijijñāsa iti || [1]
33.p22
yadā vai śraddhātyatha manute nāśraddadhanmanute śraddheva manute śraddhā tveva vijijñāsitavyeti
33.p23
śraddhāṃ bhagavo vijijñāsa iti
33.p24
yadā vai nistiṣṭhatyatha śraddadhāti nānistiṣṭhañchraddadhāti niṣṭhiṣṭhanneva śraddadhāti niṣṭhā tveva vijijñāsitavyeti
33.p25
niṣṭhāṃ bhagavo vijijñāsa iti || [1]
33.p26
yadā vai karotyatha nistiṣṭhati nākṛtvā nistiṣṭhati kṛtvaiva nistiṣṭhati kṛtistveva vijijñāsitavyeti
33.p27
kṛtiṃ bhagavo vijijñāsa iti || [1]
33.p28
yadā vai sukhaṃ labhate'tha karoti nāsukhaṃ labdhvā karoti sukhameva labdhvā karoti | sukhaṃ tveva vijijñāsitavyamiti
33.p29
sukhaṃ bhagavo vijijñāsa iti || [1]
33.p30
yo vai bhūmā tatsukhaṃ nālpe sukhamasti bhūmaiva sukhaṃ bhūmā tveva vijijñāsitavya iti
33.p31
bhūmānaṃ bhagavo vijijñāsa iti ||[1]
33.p32
yatra nānyat paśyati nānyacchṛṇoti nānyadvijānāti sa bhūmātha yatrānyatpaśyatyanyacchṛṇotyanyadvijānāti tadalpaṃ yo vai bhūmā tadamṛtamatha yadalpaṃ tanmaryam ||1
33.p33
sa bhagava kasmin pratiṣṭhita iti
33.p34
sve mahimni yadi vā na ma[hi]mnīti || [1]
33.p35
goaśvamiha mahimetyācakṣate hastihiraṇyaṃ dāsabhāryaṃ kṣetrāṇyā-yatanānīti nāhamevaṃ bravīmīti hovācānyo hyasmin pratiṣṭhata iti || [2]
33.p36
iti caturviṃśaḥ khaṇḍaḥ
Linked texts (9)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Chāndogyopaniṣad C — Rāmānuja Yatirāj, Sanskrit
- Sāmavedabrāhmaṇānyaṣṭau — Sanskrit
- Upaniṣads — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit