Chandogyadipika 36
Chāndogyadīpikā 36
- Language
- Sanskrit
36.p1
atha yadi pitṛlokakāmo bhavati saṃkalpādevāsya pitaraḥ samuttiṣṭhanti tena pitṛlokena saṃpanno mahīyate ||[1] atha yadi mātṛloka-kāmo bhavati saṃkalpādevāsya mātaraḥ samuttiṣṭhanti tena mātṛlokena saṃpanno mahīyeta ||[2] atha yadi bhrātṛlokakāmo bhavati saṃkalpādevāsya bhrātaraḥ samuttiṣṭhanti tena bhrātṛlokena saṃpanno mahīyate ||[3] atha yadi svasṛ-lokakāmo bhavati saṃkalpādevāsya svasāraḥ samuttiṣṭhanti tena svasṛ-lokena saṃpanno mahīyate ||[4] atha yadi sakhilokakāmo bhavati saṃkalpādevāsya sakhāyaḥ samuttiṣṭhanti tena sakhilokena saṃpanno mahīyate || [5] atha yadi gandhamālyalokakāmo bhavati saṃkalpādevāsya gandhamālye samuttiṣṭhatastena gandhamālyalokena saṃpanno mahīyate || [6] atha yadyannapānalokakāmo bhavati saṃkalpādevāsyānnapāne samuttiṣṭhatastenānnapānalokena saṃpanno mahīyate || [7] atha yadi gītavāditralokakāmo bhavati saṃkalpādevāsya gītavāditre samuttiṣṭhatastena gītavāditalokena saṃpanno mahīyate || [8] atha yadi strīlokakāmo bhavati saṃkalpādevāsya striyaḥ samuttiṣṭhanti tena strīlokena saṃpanno mahīyate || [9] yaṃ yamantamabhikāmo bhavati yaṃ kāmaṃ kāmayate so'sya saṃkalpādeva samuttiṣṭhati tena saṃpanno mahīyate ||[10]
36.p2
ta ime satyāḥ kāmā anṛtāpidhānāsteṣām̐satyānām̐ satāmanṛtamapidhānam
36.p3
yo yo hyasyetaḥ praiti na tamiha darśanāya labhate || [1] ye cāsyeha jīvā ye ca pretā yaccānyadicchanna labhate sarvaṃ tadatra gatvā vindate'tra hyasyaite satyāḥ kāmā anṛtāpidhānāḥ
36.p4
tadyathā'pi hiraṇyanidhiṃ nihitamakṣetrajñā uparyupari sañcaranto na vindeyuḥ | evamevemāḥ sarvāḥ prajā aharahargacchantya etaṃ brahmalokaṃ na vindantyanṛtena hi pratyūḍhāḥ || [2] sa vā eṣa ātmā hṛdi tasyaitadeva niruktaṃ hṛyamiti tasmāddhṛdayam | aharaharvā evaṃvit svargaṃ lokameti || [3] atha ya eṣa saṃprasādo'smāccharīrāt samutthāya paraṃ jyotirupasaṃpadya svena rūpeṇābhiniṣpadyata eṣa ātmeti hovāca | etadamṛtamabhayametad brahmeti | tasya ha vā brahmaṇo nāma satyamiti || [4] tāni ha vā etāni trīṇyakṣarāṇi sa-tī-yamiti | tadyatsattadaamṛtam | atha yat ti tanmartyam | atha yad yaṃ tenobhe yacchati | yadanenobhe yacchati tasmāt yam | aharaharvā evaṃvit svargaṃ lokameti || [5]
36.p5
iti tṛtīyaḥ khaṇḍaḥ
Linked texts (9)
- Mantrapuṣpa — Sanskrit
- Aṣṭāviṃśatyupaniṣad — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭottaraśatopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Upaniṣads — Sanskrit
- Īśādyupaniṣadaḥ — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit