Chandogyadipika 38
Chāndogyadīpikā 38
- Language
- Sanskrit
38.p1
atha yadyajña ityācakṣate brahmacaryameva tadbrahmacaryeṇa hyeva yo jñātā taṃ vindate | atha yadiṣṭamityācakṣate brahmacaryameva tat | brahmacaryeṇa hyeveṣṭvā''tmānamanuvindate || [ 1 ] atha yat satrāyaṇamityācakṣate brahmacaryameva tad brahmacaryeṇa hyeva sata ātmanastrāṇaṃ vindate'tha yanmaunamityācakṣate brahmacaryameva tad brahmacaryeṇa hyevā''tmānamanuvidya manute || [ 2 ] atha yadanāśakāyanamityākṣate brahmacaryameva tadeṣa hyātmā na naśyati yaṃ brahmacaryeṇānuvindate'tha yadaraṇyāyanamityācakṣate brahmacaryametra tat
38.p2
araśca ha vai payaścārṇavau brahmaloke tṛtīyasyāmito divi | tadairaṃmadīyaṃsarastadaśvatthaḥ somasavanastadaparājitā pūrbrahmaṇaḥ prabhuvimitam̐hiraṇmayam || [ 3 ] tadya etāvaraṃ ca yyaṃ cārṇavau brahmaloke brahmacaryeṇānuvindanti teṣāmevaiṣa brahmalokasteṣāṃ sarveṣu lokeṣu kāmacāro bhavati || [ 4 ]
38.p3
iti aṣṭamādhyāyasya pañcamaḥ khaṇḍaḥ
Linked texts (3)
- Chāndogyopaniṣad — Sanskrit
- Different Upaniṣads — Sanskrit
- Chāndogyopaniṣad C — Rāmānuja Yatirāj, Sanskrit