Pramāṇa · Search · About · API

Chandogya Upanishad 4.p16

Chāndogyadīpikā 4.p16

Language
Sanskrit

4.p16

yatkāryaṃ khalu loke sādhu samyag doṣarahitaṃ prasiddhaṃ tat kāryaṃ sāmetyācakṣate vivekinaḥ kathayanti | atha vyatirekaḥ - yatkāryamasādhu apraśastaṃ tadasāmeti vivekiprasiddhiḥ | tatraiva sādhvasādhuvicāraṇe utāpyapi cāculaukikāḥ | sāmnā evaṃ rājānam amātyaṃ copāgāt upagatavān | rājādīnāṃ samīpaṃ prāptavānityarthaḥ | itiśabdaḥ prakāśavācī | evamāhuriti saṃma(va?)dvaḥ sādhunā śobhanābhiprāyeṇenaṃ rājānamamātyaṃ vopāgādityeva | anena prakāreṇaiva tadyatra śobhanaṃ kāryaṃ paśyantī(nti) tat tatrāhurvadanti laukikāḥ | atha vyatirekaḥ - yatra punarapraśastaṃ kāryaṃ paśyanti tatra asāmnā duṣṭābhiprāyeṇenaṃ rājānamamātyaṃ copāgādityāhuḥ | etasyaivābhiprāyaḥ | asādhunā apraśastābhiprāyeṇa enamupāgādityeva tattatrāhuriti laukikaprasiddhiḥ, svānubhāvavarṇanam | athaśabdo'ntaravākyopakramārthaḥ | uteti ca niṣpannasādhukāryavataḥ puruṣā batetyanukampayanto no'smākaṃ sāma sādhu kāryaṃ saṃvṛtamiti | āhurvarṇayanti | etasyaivābhiprāyaṃ yatkāryaṃ sādhu śobhanaṃ bhavati tatkāryam | batetyanukampayantaḥ sādhu śobhanamityevamāhurnyathā | vyatirekam - anabhīṣṭe kāryeṃ niṣpanne bateti jugapsāṃ kurvantaḥ puruṣāḥ no'smākaṃ asāma aśobhanaṃ mā bhūdityāhuḥ | etasyaivābhiprāyaḥ - yatkāryamasādhvaśobhanaṃ bhavati tatkārya bateti viṣādaṃ kurvantaḥ puruṣāḥ asādhvaśobhanamityevāhurnānyathā ||

Linked texts (1)