Chandogyadipika 40
Chāndogyadīpikā 40
- Language
- Sanskrit
40.p1
udaśarāva ātmānamavekṣya yadātmano na vijānīthastanme prabrūtamiti
40.p2
tau hodaśarāve'vekṣāṃcakrāte
40.p3
tau ha prajāpatiruvāca kiṃ paśyata(tha) iti
40.p4
tau hocatuḥ-sarvamevedamāvāṃ bhagava ātmānaṃ paśyāva ā lomabhya ā nakhebhyaḥ pratirūpamiti || [1]
40.p5
tau ha prajāpatiruvāca-sādhvalaṃtau suvasanau pariṣkṛtau bhūtvodaśa-rāve'vekṣethāmiti
40.p6
tau ha sādhvalaṃkṛtau suvasanau pariṣkṛtau bhūtvodaśarāve'vekṣāṃcakrāte
40.p7
tau ha prajāpatiruvāca—kiṃ paśyatha iti || [2]
40.p8
tau hocaturyathaivedamāvāṃ bhagavaḥ sādhvalaṃkṛtau suvasanau pariṣkṛtāviti
40.p9
eṣa ātmeti hovācaitadamṛtamabhayametad brahmeti
40.p10
tau ha śāntahṛdayau pravavrajatuḥ || [3]
40.p11
tau hānvīkṣya prajāpatiruvāca—anupalabhyā''tmānamanuvidya vrajato yatara etadupaniṣado bhaviṣyanti devā vā'surā vā te parābhaviṣyantīti
40.p12
sa ha śāntahṛdaya eva virocano'surāñjagāma | tebhyo haitāmupaniṣadaṃ provāca—ātmaiveha mahaya ātmā paricarya ātmānameveha mahayannātmānaṃ paricarannubhau lokāvāpnotīmaṃ cāmuṃ ceti || [4]
40.p13
tasmādapyayehāśraddadhānamayajamānamāhurāsuro batetyasurāṇāmupaniṣatpretasya śarīraṃ bhikṣayā vasanenālaṃkāreṇeti saṃskurvantyetena hyamuṃ lokaṃ jeṣyanto manyante || [5]
40.p14
atha hendro'prāpyaiva devānetadvayaṃ dadarśa| yathaiva khalvayamasminnuccharīre sādhvalaṃkṛte sādhvalaṃkṛto bhavati suvasane suvasanaḥ pariṣkṛte pariṣkṛta evamevāyamasminnandhe'ndho bhavati srāme srāmaḥ parivṛkṇe parivṛkṇo'syaiva śarīrasya nāśamanveṣa naśyati || [1] ||nāhamatra yogyaṃ paripaśyāmīti
40.p15
sa samitpāṇiḥ punareyāya
40.p16
taṃha prajāpatiruvāca-maghavan yacchāntahṛdayaḥ prātrājī sārdhaṃ virocanena kimicchanpunarāgama iti
40.p17
sa hovāca-yathaiva khalvayaṃ bhagavo'smiñcharīre sādhvalaṃkṛte sādhvalaṃkṛto bhavati sruvasane sruvasanaḥ pariṣkṛte pariṣkṛta evamayamasminnadhe'ndho bhavati śyāme śyāmaḥ parivṛkṇe parivṛkṇo'syaiva śarīrasya nāśamanveṣa naśyati nāhamatra bhogyaṃ paśyāmīti || [2] evamevaiṣa maghavanniti hovācaitaṃ tveva te bhūyo'nuvyākhyāsyāmi vasāparāṇi dvātriṃśataṃ varṣāṇīti
40.p18
sa hāparāṇi dvātrim̐śataṃ varṣāṇyuvāsa
40.p19
tasmai hovāca || [3]
40.p20
ityaṣṭamādhyāye navamaḥ khaṇḍaḥ
Linked texts (6)
- Chāndogyopaniṣad — Sanskrit
- Sāmavedabrāhmaṇānyaṣṭau — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit