Chandogyadipika 41
Chāndogyadīpikā 41
- Language
- Sanskrit
41.p1
ya eṣa svapne mahīyamānaścaratyeṣa ātmeti hovācaitadamṛtamabhayametad brahmeti
41.p2
sa ha śāntahṛdayaḥ pravavrāja
41.p3
hāprāpyaiva devānetadbhayaṃ dadarśa
41.p4
tadyathāpīdaṃ śarīramandhaṃ bhavatyanandhaḥ sa bhavati yadi śyāmaṃ śyāmo naivaiṣo'sya doṣeṇa duṣyati || [1] na vadhenāsya hanyate nāsya śyāmyena śyāmo ghananti tvevainaṃ vicchādayantīvāpriyavetteva bhavatyapi roditīva nādyamatra bhogyaṃ paśyāmīti || [2] || sa samitpāṇiḥ punareyāya
41.p5
taṃ ha prajāpatiruvāca-maghavanyacchāntahṛdayaḥ prāvrājīḥ kimicchanpunarāgama iti
41.p6
sahovāca-tadyadyapīdaṃ śarīramandhaṃ bhavatyanandhaḥ sa bhavati yadi srāmamamasrāmo naivaiṣo'sya doṣeṇa duṣyati || [3] na vadhenāsya srāmo ghananti tvevainaṃ vicchādayantīvāpriyavetteva bhavatyapi roditīva nāhamatra bhogyaṃ paśyāmīti
41.p7
evamevaiṣa maghavanniti hovācaitaṃ tveva te bhūyo vyākhyāsyāmi vasāparāṇi dvātriṃśataṃ varṣāṇīti
41.p8
sa hāparāṇi dvātriṃśataṃ varṣāṇyuvāsa
41.p9
tasmai hovāca ||[4]
41.p10
yadyatraitatsuptaḥ samastaḥ saṃprasannaḥ svapnaṃ na vijānātyeṣa ātmeti hovācaitadamṛtamabhayametad brahmeti
41.p11
sa ha śāntahṛdayaḥ pravavrāja
41.p12
sa hāprāpyaiva devānetadbhayaṃ dadarśa
41.p13
nāha khalvayamevam̐ saṃpratyātmānaṃ jānātyayamahamasmīti no evemāni bhūtāni vināśamevāpīto bhavati nāhamatra bhogyaṃ paśyāmīti || [1]
41.p14
sa samitpāṇiḥ punareyāya
41.p15
tam̐ ha prajāpatiruvāca—maghavan yacchāntahṛdayaḥ prāvrājīḥ kimicchan punarāgama iti
41.p16
sa hovāca—nāha khalvayaṃ bhagava evam̐ saṃpratyātmānaṃ jānātyayamahamasmīti no evemāni bhūtāni vināśamevāpīto bhavati nāhamatra bhogyaṃ paśyāmīti || [2]
41.p17
evamevaiṣa maghavanniti hovācaitaṃ tveva te bhūyo'nuvyākhyāsyāmi no evānyatraitasmādvasāparāṇi pañca varṣāṇīti
41.p18
sa hāparāṇi pañcavarṣāṇyuvāsa
41.p19
tānyekaśatam̐saṃpeduretattadyadāhurekaśatam̐ vai varṣāṇi maghavan prajāpatau brahmacaryamuvāsa
41.p20
tasmai hovāca-|| [3]
41.p21
iti aṣṭamādhyāye ekādaśaḥ khaṇḍaḥ