Chandogyadipika 42
Chāndogyadīpikā 42
- Language
- Sanskrit
42.p1
maghavan martyaṃ vā idam̐ śarīramāttaṃ mṛtyunā tadasyāmṛtasyāśarīrasyātmano'dhiṣṭhānamātto vai saśarīraḥ priyāpriyābhyāṃ na ha vai saśarīrasya sataḥ priyāpriyorapahatirastyaśarīraṃ vāva santaṃ na priyāpriye spṛśataḥ || [1]
42.p2
aśarīro vāyurabhraṃ vidyutstanayitnuraśīrāṇyetāni tadyathaitānyamuṣmādākāśātsamutthāya paraṃ jyotirūpasaṃpadya svena rūpeṇābhiniṣpadyante
42.p3
[2]
42.p4
evamevaiṣa saṃprasādo'smāccharīrāt samutthāya paraṃ jyotirūpasaṃpadya svena rūpeṇābhiniṣpadyate
42.p5
sa uttamapuruṣaḥ sa tatra paryeti jakṣat krīḍan ramamāṇaḥ strībhirvā yānairvā jñātibhirvā vayasyairvā nopajanaṃ smarannidaṃ śarīram
42.p6
sa yathā prayogya ācaraṇe yukta evamevāsmiñcharīre prāṇo yuktaḥ || [3] atha yatraitadākāśamanuviṣaṇṇaṃ(ṇṇaṃ) cakṣuḥ sa cākṣupaḥ puruṣo darśanāya cakṣuratha yo vededaṃ jighrāṇīti sa ātmā gaṃdhāya ghrāṇamatha yo vededamabhivyāharāṇīti sa ātmābhivyāhārāya vāgatha yo vededaṃ śṛṇavānīti sa ātmā śravaṇāya śrotram || [4] atha yo vededaṃ manvānīti sa ātmā mano'sya daivaṃ cakṣuḥ sa vā eṣa etena daivena cakṣuṣā manasaitān kāmān paśyan ramate ya ete brahmalokaḥ(ke) || [5]
42.p7
taṃ vā etaṃ devā ātmānamupāsate | tasmātteṣām̐ sarve ca lokāḥ ātmānaḥ sarve ca kāmāḥ
42.p8
sa sarvāṃśca lokānāpnoti sarvāṃśca kāmān yastamātmānamanuvidya vijānāti| iti ha prajāpatiruvāca prajāpatiruvāca || [ 6 ]
42.p9
iti dvādaśaḥ khaṇḍaḥ
Linked texts (8)
- Chāndogyopaniṣad — Sanskrit
- Mantrapuṣpa — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit