Chandogyadipika 44
Chāndogyadīpikā 44
- Language
- Sanskrit
44.p1
taddhaitad brahmā prajāpataya uvāca prajāpatirmanave manuḥ prajābhyaḥ
44.p2
ācāryakulādvedamadhītya yathāvidhānaṃ guroḥ karmātiśeṣeṇābhisamāvṛtya kuṭumbe śucau deśe svādhyāyamadhīyāno dhārmikān vidadhadātmani sarvendriyāṇi saṃpratiṣṭhāpyāhiṃsan sarvabhūtānyanyatra tīrthebhyaḥ sa khalvevaṃ vartayanyāvadāyuṣaṃ brahmalokamabhisaṃpadyate| na ca punarāvartate na ca punarāvartate || [1]
44.p3
nākṛvannūtanaṃ muktirūpaṃ yadyā purātanam | ati(bhi)niṣpattivacanātphalatvādapi nūtanam || svena rūpeṇeti vākye svaśabdāttatpurātanam | āvirbhāvo'bhi niṣpattiḥ phalaṃ cājñānahānitaḥ ||²
44.p4
muktarūpādbrahmabhinnamabhinnaṃ vātha bhidyate | saṃpadya jyotirityevaṃ karmakartṛbhidoktitaḥ
44.p5
abhiniṣpannarūpasya sa uttamapumāniti | brahmatvokterabhinnaṃ tadbhedoktirūpacārataḥ ||1
44.p6
krameṇa yugapadvāsya saviśeṣāviśeṣate | viruddhatvātkālabhedādvyavasthā śrutayostayoḥ || muktāmuktadaśorbhedādvyavasthāsaṃbhave sati | aviruddhaṃ yaugapadyamaśrutaṃ kramakalpanam ||2