Pramāṇa · Search · About · API

Chandogyadipika 5

Chāndogyadīpikā 5

Language
Sanskrit

5.p1

atha khalvamumādityaṃ [saptavidhaṃ] sāmopāsīta

5.p2

sarvadā samastena [sāma] māṃ prati māṃ pratīti sarveṇa samastena sāma || [1]

5.p3

tasminnimāni sarvāṇi bhūtānyanvāyattānīti tridhā || tasya yatpurodayātsa hiṃkārastadasya paśavo'nvāyattāḥ | tasmātte hiṃ kurvanti | hiṃkārabhājino hyetasya sāmnaḥ || [ 2 ]

5.p4

atha yatprathamodite sa prastāvastadasya manuṣyā anvāyattāstasmāātte prastutikāmāḥ praśaṃsākāmāḥ prastāvabhājino hyetasya sāmnaḥ || [ 3 ]

5.p5

atha yatsaṃgavavelāyām̐ sāmādityastasya [sa ādistadasya] vayām̐syanvāyattāni | tasmāttānyantarikṣe'nārambhaṇa(ṇā)nyādāyātmānaṃ paripatantyādibhājīni hyetasya sāmnaḥ || [ 4 ]

5.p6

atha yatsaṃprati madhyandine sa udgīthaḥ| ta[da]sya devā anvāyattāstasmātte sattamāḥ prājāpatyānāmudgīthabhājino hyetasya sāmnaḥ || [5]

5.p7

atha yadūrdhvaṃ madhyandinātprāgaparāhṇātsa pratihārastadasya garbhā anvāyattāstasmātte pratihatā nīvapadyante(ānāvapadyante) pratihārabhājino te(hye)tasya sāmnaḥ || [6]

5.p8

atha yadūrdhvamaparāhṇātprāgastamayātsa upadravastadasyā''raṇyā anvāyattāstasmātte puruṣaṃ dṛṣṭvā kakṣaṃ śvabhramityupadravantyupadravabhājino hyetasya sāmnaḥ || [7] || [atha] yatprathamāstamite tannidhanaṃ tadasya pitaro'nvāyattā-stasmāttānnidadhati nidhanabhājino hyetasya sāmnaḥ

5.p9

evaṃ khalvamumādityaṃ saptavidhaṃ sāmopāste || [8]

5.p10

atha khalvātmasaṃmitamatimṛtyu saptavidhaṃ sāmopāsīta

5.p11

hiṃkāra iti tryakṣaraṃ prastāva iti tryakṣaraṃ tatsamam || [1] ādiriti dvyakṣaraṃ pratihāra iti caturakṣaram tata(ta) ihaikaṃ tatsamam || [2] udgītha iti tryakṣaramupadrava iti caturakṣaraṃ tribhistribhiḥ samaṃ bhavatyakṣaramatiśiṣyate tryakṣaraṃ tatsamam || [3] nidhanamiti tryakṣaraṃ tatsamameva bhavati

5.p12

tāni ha vā etāni dvāviṃśatirakṣarāṇi || [4]

5.p13

ekaviṃśatyādityamāpnotyekaviṃśo vā ito'sāvādityo drāviṃśena paramādityājjayati tannākaṃ tadviśokam || [5] āpnotīha

5.p14

ādityasya jayaṃ paro hāsyādityasya jayātparājayo bhavati

5.p15

ya etadevaṃ vidvānātsaṃmitamatimṛtyu saptavidham̐sāmopāste sāmopāste || [6]

5.p16

mano hiṃkāro vāk prastāvaścakṣurudgītha śrotraṃ pratihāraḥ prāṇo nidhanametadgāyatraṃ prāṇeṣu protam || [1]

5.p17

sa ya evametadgāyatraṃ prāṇeṣu srotaṃ veda prāṇī bhavati sarvamāyureti jyogjīvati mahān prajayā paśubhirbhavati mahānkīrtyā

5.p18

mahā[ma]nā[:] syāttad vratam || [2]

5.p19

abhimanthati sa hiṃkāro dhūmo jāyate sa prastāvo jvalati sa udgītho'ṅgārā bhavanti sa pratihāra, upaśāmyati tannidhanaṃ saexśāmyati tannidhanametadrathantaramagnau protam || [1]

5.p20

sa ya evametadrathantaramagnau protaṃ veda brahmavarcasyannādo bhavati sarvamāyureti jyogjīvati mahān prajayā paśubhirbhavati mahān kīrtyā || na pratyaṅṅagnimācāmenna niṣṭhīvettadvratam || [2]

5.p21

iti dvitīyasyādhyāyasya dvādaśaḥ khaṇḍaḥ

Linked texts (12)