Chandogya Upanishad 7.p46
Chāndogyadīpikā 7.p46
- Language
- Sanskrit
7.p46
tasyaiṣā dṛṣṭiriti || yatra yasmin kāle etaditi kriyāviśeṣaṇam | asmin śarīre hastena saṃspṛṣṭeḥ saṃsparśena tvagindriyeṇa uṣṇimānaṃ uṣṇasparśabhāvaṃ vijānāti | tasya hārdasya prakṛtasya nāmarūpavyākaraṇāya dehamanupraviṣṭasya parasya brahmaṇa eṣā dṛṣṭirdarśanopāya ityarthaḥ | auṣṇyasyātmaliṅgatvamabhicārādavagamyate, na hi jīvaṃ tamātmāna[muṣṇimā abhicarati] tathā ca loke sarve janā jīvanaṃ pratīkṣamāṇāḥ śarīragatauṣṇyameva talliṅgatayā vijānanti | tathā ca śrūyate-'uṣṇā eva hi jīviṣyaṃcchīto mariṣyanniti hi vijñāyate' iti ||
Linked texts (1)
- Chāndogyopaniṣad — Sanskrit