Pramāṇa · Search · About · API

Chandogya Upanishad 7.p72

Chāndogyadīpikā 7.p72

Language
Sanskrit

7.p72

antarikṣa iti || antarikṣamudaramantarbilaṃ yasya kośasya so'ntarikṣodaraḥ kāśāḥ iva kośaḥ | anekadharmasāmyād, bhūmirbudhnormūlaṃ yasya sa bhūmibudhnaḥ | na jīryanti trailokyātmakatvena na vinaśyati | yāvadyugakālaṃ kiṃ cāsya kośasya prācyādayaḥ sarvā diśaḥ; svaktayaḥ koṇā api cāsya kośasya caurdhvaloka uttaramuparivartamānaṃ bilaṃ suṣiraṃ sa eṣa so'yaṃ yathoktaguṇakaḥ kośo vasudhānaḥ | vasūni prāṇināṃ karmaphalabhūtāni yasmin brahmāṇḍakośe nidhīyante sa vasudhānaḥ | tasmin yathokte kośe idaṃ pratyakṣādinā gṛhyamāṇaṃ viśvaṃ samastaṃ jagat śritaṃ pratiṣṭhitaṃ cetyarthaḥ | kiṃ ca tasya kośasya yā prācī prāgvartinī dig sā juhūrnāma prāṅmukhaḥ santaḥ sarve karmāṇi juhvantīnti prācyā diśo juhūtvam | tathā tasya yā dakṣiṇā dik sā sahamānā nāma, dakṣiṇadigvartinyāṃ yamapuryāṃ sarve prāṇinaḥ pāpakarmāṇi sahanta iti dakṣiṇā dik sahamānā | tathā yā tasya pratīcī dik sā rājñī | rājña(jñā ?) varuṇenādhiṣṭhitatvāt saṃdhyārāgayogitvādvārā | tathā tasya yā udīcī dik sā subhūtā nāma suṣṭhu bhūtimadbhirīśvarakuverādibhiradhiṣṭhitā | ataḥ sādhubhūtā | kiṃ ca tāsāṃ prācyādidiśāṃ vāyurvatso vatsasthānīyaḥ...janyatvādyāyordigvatsatā ||

Linked texts (1)