Pramāṇa · Search · About · API

Chandogyadipika 9

Chāndogyadīpikā 9

Language
Sanskrit

9.p1

haṃsaste pādaṃ vakteti

9.p2

sa ha śvobhūte gā abhiprasthāpayāṃcakāra tā yatrābhi sāyaṃ babhūvustatrāgnimupasamādhāya gā uparudhya samidhamādhāya paścādagneḥ prāṅpopaviveśa || [1]

9.p3

taṃ haṃsa upanipatyābhyuvāda satyakāma 3 iti

9.p4

bhagava iti ha pratiśuśrāva || [2]

9.p5

brahmaṇaḥ somya te pādaṃ bravāṇīti

9.p6

bravītu me bhagavāniti

9.p7

tasmai hovācāgniḥ kalā sūryaḥ kalā candraḥ kalā vidyutkalaiṣa vai somya catuṣkalaḥ pādo brahmaṇaḥ || tasmai hovāceti

9.p8

jyotiṣmānnāma ||[3]

9.p9

sa ya etamevaṃ vidvām̐ścatuṣkalaṃ pādaṃ brahmaṇo jyotiṣmānityupāste jyotiṣmānsim̐lloke bhavati| jyotiṣmato ha lokāñjayati ya etamevaṃ vidvām̐ścatuṣkalaṃ pādaṃ brahmaṇo jyotiṣmānityupāste ||[4]

9.p10

madguṣṭe pādaṃ vakteti

9.p11

sa ha śvobhūte gā abhiprasthāpayāñcakāra tā yatrābhi sāyaṃ babhūvustatrāgnimupasamādhāya gā uparudhya samidhamādhāya paścādagneḥ prāṅmupopaviveśa ||[1]

9.p12

sa ha śva iti

9.p13

taṃ madgurupanipatyābhyuvāda satyakāma 3 iti

9.p14

bhagava iti ha pratiśuśrāva || [2]

9.p15

brahmaṇaḥ somya te pādaṃ bravāṇīti

9.p16

bravītu me bhagavāniti

9.p17

tasmai hovāca prāṇaḥ kalā cakṣuḥ kalā śrotraṃ kalā manaḥ kalaiṣa vai somya catuṣkalaḥ pādo brahmaṇaḥ

9.p18

āyatanavānnāma || [3]

9.p19

sa ya etamevaṃ vidvāṃścatuṣkalaṃ pādaṃ brahmaṇa āyatavānityupāste āyatanavānasmim̐lloke bhavati | āyatanavato ha lokāñjayati ya etamevaṃ viddhāśccatuṣkalaṃ pādaṃ brahmaṇa āyatavāninyupāste || [4]

9.p20

iti aṣṭamaḥ khaṇḍaḥ

Linked texts (7)