Dashopanishad 14
Daśopaniṣad 14
- Language
- Sanskrit
14.1
yatsarvaśāstrasiddhāntaṃ yatsarvahṛdayānukam
yatsarvaṃ sarvagaṃ vastu yattattvaṃ tadasau sthitaḥ
pañcamaḥ praśnaḥ
satyakāmasyoṅkāropāsanāpraśnaḥ
atha hainaṃ śaivyaḥ satyakāmaḥ papraccha | sa yo ha vaitadbhagavan !
manuṣyeṣu prāyaṇāntamoṅkāramabhidhyāyīta | katamaṃ vāva sa tena lokaṃ
jayati ? iti
14.2
parāparabrahmadṛṣṭyā oṅkāropāsanāphalam
tasmai sa hovāca | etadvai satyakāma ! paraṃ cāparaṃ ca brahma yat
oṅkāraḥ tasmādvidvānetenaivāyatanenaikataramanveti
14.3
ekamātroṅkāropāsanāphalam
sa yadyekamātramabhidhyāyīta sa tenaiva saṃveditastūrṇameva jagatyāmabhisaṃpadyate | tamṛco manuṣyalokamapanayante sa tatra tapasā brahmacaryeṇa
śraddhayā saṃpanno mahimānamanubhavati
14.4
atha yadi dvimātreṇa manasi saṃpadyate so'ntarikṣaṃ yajurbhirunnīyate
somalokaṃ sa somaloke vibhūtimanubhūya punarāvartate
14.5
yaḥ punaretaṃ trimātreṇomityetenaivākṣareṇa paraṃ puruṣamabhidhyāyīta
sa tejasi sūrye saṃpannaḥ | yathā pādodarastvacā vinirmucyata evaṃ ha
vai sa pāpmanā vinirmuktaḥ sa sāmabhirunnīyate brahmalokaṃ sa etasmājjīvaghanātparātparaṃ puriśayaṃ puruṣamīkṣate
14.7
tadetau ślokau bhavataḥtisro mātrā mṛtyumatyaḥ prayuktā anyonyasaktā anaviprayuktāḥ
kriyāsu bāhyābhyantaramadhyamāsu samyak prayuktāsu na kampate jñaḥ
ṛgbhiretaṃ yajurbhirantarikṣaṃ
sāmabhiryattatkavayo vedayante
tamo̍kāreṇaivāyatanenānveti vidvān
yattacchāntamajaramamṛtamabhayaṃ paraṃ ceti