Dashopanishad 22
Daśopaniṣad 22
- Language
- Sanskrit
22.1
śrīgauḍapādīyakārikāsahitā
māṇḍūkyopaniṣat
bhadraṃ karṇebhiḥ—iti śāntiḥ
āgamaprakaraṇam
oṅkārasya sarvādhāratvaṃ catuṣpāttvaṃ ca
omityetadakṣaramidaꣲ sarvaṃ tasyopavyākhyānaṃ bhūtaṃ bhavadbhaviṣyaditi sarvamoṅkāra eva | yaccānyattrikālātītaṃ tadapyoṅkāra
eva
22.2
sarvaṃ hyetadbrahmāyamātmā brahma so'yamātmā catuṣpāt
22.3
sarve vedā yatpadamāmananti tapāṃsi sarvāṇi ca yadvadanti
yadicchanto brahmacaryaṃ caranti tatte padaṃ saṃgraheṇa bravīmi
omityetat
etadālambanaṃ śreṣṭhametadālambanaṃ param
etadālambanaṃ jñātvā brahmaloke mahīyate
māṇḍūkyamekamevālaṃ mumukṣūṇāṃ vimuktaye
nātmabhāvena nānedaṃ na svenāpi kathaṃcana
na pṛthaṅnāpṛthakkiṃciditi tattvavido viduḥ
etattaduttamaṃ satyaṃ yatra kiṃcinna jāyate
jāgaritasthāno bahiḥprajñaḥ saptāṅga ekonaviṃśatimukhaḥ sthūlabhugvaiśvānaraḥ prathamaḥ pādaḥ
22.4
svapnasthāno'ntaḥprajñaḥ saptāṅga ekonaviṃśatimukhaḥ praviviktabhuk taijaso dvitīyaḥ pādaḥ
22.5
tasya tṛtīyapādasvarūpam
yatra supto na kañcana kāmaṃ kāmayate na kañcana svapnaṃ paśyati
tatsuṣuptam | suṣuptasthāna ekībhūtaḥ prajñānaghana evānandamayo hyānandabhuk cetomukhaḥ prājñaḥ tṛtīyaḥ pādaḥ
22.6
eṣa sarveśvara eṣa sarvajña eṣo'ntaryāmyeṣa yoniḥ sarvasya
prabhavāpyayau hi bhūtānām