Dashopanishad 3
Daśopaniṣad 3
- Language
- Sanskrit
Contents
- 3.12 — 1 part
3.1
anātmeti prasaṅgo vā anātmeti mano'pi vā
anātmeti ²jagadvyāpī nāstyanātmeti niścinu
idaṃ prapañcaṃ yatkiṃcidyadyajjagati vīkṣyate
dṛśyarūpaṃ ca dṛgrūpaṃ sarvaṃ śaśaviṣāṇavat
saccidānandamātro'haṃ anutpannamidaṃ jagat
siddhānto'dhyātmaśāstrāṇāṃ sarvāpahnava eva hi
brahmaivaikaṃmanādyantaṃ satkiñcidavaśiṣyate
dvitīyaḥ khaṇḍaḥ
śiṣyabuddhivicālanam
yadi manyase suvedeti dabhramevāpi nūnaṃ tvaṃ vettha brahmaṇo rūpaṃ
yadasya tvaṃ yadasya ca deveṣvatha nu mīmāṃsyameva te manye viditam
3.2
tadeva brahma tvaṃ viddhi nedaṃ yadidamupāsate
²nāha manye suvedeti no na vedeti veda ca
yo nastadveda tadveda no na vedeti veda ca
3.3
nāha manye suvedeti no na vedeti veda ca
yasyāmataṃ tasya mataṃ mataṃ yasya na veda saḥ
avijñātaṃ vijānatāṃ vijñātamavijānatām
3.4
pratibodhaviditaṃ matamamṛtatvaṃ hi vindate
ātmanā vindate vīryaṃ vidyayā vindate'mṛtam
3.2-2
brahmavidyādhigamaḥ paramapuruṣārthahetuḥ
iha cedavedīdatha satyamasti na cedihāvedīnmahatī vinaṣṭiḥ
bhūteṣu bhūteṣu vicitya dhīrāḥ pretyāsmāllokādamṛtā bhavanti
tṛtīyaḥ khaṇḍaḥ
śabalabrahmasvarūpaprakaṭanam
brahma ha devebhyo vijigye tasya ha brahmaṇo vijaye devā
amahīyanta ta aikṣantāsmākamevāyaṃ vijayo'smākamevāyaṃ mahimeti
taddhaiṣāṃ vijajñau tebhyo ha prādurbabhūva tanna <sup 1</sup vyajānata kimidaṃ
yakṣamiti
3.3-2
te'gnimabruvan jātaveda etadvijānīhi kimetadyakṣamiti
3.4-2
tatheti tadabhyadravattamabhyavadatko'sītyagnirvā ahamasmītyabravījjātavedā vā ahamasmīti
3.5
yasmiṃstvayi kiṃ
vīryamityapīda sarvaṃ daheyaṃ yadidaṃ pṛthivyāmiti
3.6
tasmai tṛṇaṃ
nidadhāvetaddaheti ¹tadupapreyāya sarvajavena tanna śaśāka dagdhuṃ sa tata
eva nivavṛte naitadaśakaṃ vijñātuṃ yadetadyakṣamiti
3.7
atha vāyumabruvan
vāyavetadvijānīhi kimetadyakṣamiti
3.8
tatheti tadabhyadravattamabhyavadatko'sīti vāyurvā ahamasmītyabravīnmātariśvā vā ahamasmīti
3.9
tasmiṃstvayi kiṃ vīryamityapīdaṃ ²sarvamādadīyaṃ
yadidaṃ pṛthivyāmiti
3.10
tasmai tṛṇaṃ nidadhāvetadādatsveti
tadupapreyāya sarvajavena tanna śaśākādātuṃ sa tata eva nivavṛte naitadaśakaṃ
vijñātuṃ yadetadyakṣamiti
3.11
athendramabruvanmaghavannetadvijānīhi
kimetadyakṣamiti | tatheti tadabhyadravattasmāttirodadhe
3.12
sa
tasminnevākāśe striyamājagāma bahuśobhamānāmumāṃ haimavatīṃ tā
hovāca kimetadyakṣamiti
3.12.p1
iti tṛtīyaḥ khaṇḍaḥ
Linked texts (2)
- Īśādiviṃśottaraśatopaniṣadaḥ — Sanskrit
- Īśādyupaniṣadaḥ — Sanskrit