Dashopanishad 30
Daśopaniṣad 30
- Language
- Sanskrit
30.1
tatraite ślokāḥyadakṣaraṃ pañcavidhaṃ sameti yujo yuktā abhi yatsaṃvahanti
satyasya satyamanu yatra yujyate tatra devāssarva ekaṃ bhavanti
30.2
yadakṣarādakṣarameti yuktaṃ yujo yuktā abhi yatsaṃvahanti
satyasya satyamanu yatra yujyate tatra devāḥ sarva ekaṃ bhavanti
30.3
yadvāca omiti yacca neti yaccāsyāḥ krūraṃ yadu colbaṇiṣṇu
tadvidhūya kavayo anvavindannāmāyattā samatṛpyañchuchrate'dhi
30.4
yasminnāmā samatṛpyañchuchrate'dhi tatra devāḥ sarvayujo bhavanti
tena pāpmānamapahatya brahmaṇā svargalokamapyeti vidvān
30.5
nainaṃ vācā striyaṃ bruvannainamastrīpumān bruvan
pumāṃsamabruvannainaṃ vadan vadati kaścana
30.8
aḥ iti brahma tatrāgatamahamiti | tadvā idaṃ bṛhatīsahasraṃ
saṃpannaṃ tasyaivaitasya bṛhatīsahasrasya saṃpannasya ṣaṭtriṃśatamakṣarāṇāṃ
sahasrāṇi bhavanti tāvanti puruṣāyuṣo'hnāṃ sahasrāṇi bhavanti
jīvākṣareṇaiva jīvā ahrāpnoti jīvāhnā jīvākṣaramiti | anakāmamāro'tha devarathastasya vāgbuddhiḥ śrotre pakṣasī cakṣuṣī yukte manaḥ
saṃgrahītā tadayaṃ prāṇo'dhitiṣṭhati | taduktamṛṣiṇā—tena yātaṃ manaso
javīyasā nimiṣaścijjavīyaseti javīyasetīti
Linked texts (5)
- Aitareyāraṇyaka — Sanskrit
- Dvitīyāraṇyaka — Sanskrit
- Bahvṛcāraṇyabhāṣya — Sanskrit
- Mahaitareya — Sanskrit
- Aitareyāraṇyaka (Aitareya Mahīdāsa) — Aitareya Mahīdāsa, Sanskrit