Pramāṇa · Search · About · API

Dashopanishad 7

Daśopaniṣad 7

Language
Sanskrit

7.1

ya ¹imaṃ paramaṃ guhyaṃ śrāvayedbrahmasaṃsadi
prayataḥ śrāddhakāle vā tadānantyāya kalpate tadānantyāya kalpata iti
caturthī vallī
parāñci khāni vyatṛṇat svayaṃbhūstasmāt parāṅ paśyati nāntarātman
kaściddhīraḥ pratyagātmānamaikṣadāvṛttacakṣuramṛtatvamicchan

7.2

parācaḥ kāmānanuyanti bālāste mṛtyoryanti vitatasya pāśam
²atha dhīrā amṛtatvaṃ viditvā dhruvamadhruveṣviha na prārthayante

7.3

yaccāpnoti yadādatte yaccātti viṣayāniha
yaccāsya santato bhāvastasmādātmeti gīyate
śabdasparśādayo ye'rthā anarthā iva te sthitāḥ
yeṣāṃ saktastu bhūtātmā na smarecca paraṃ padam
ātmanaḥ svaprakāśatvaṃ brahmābhedaśca
yena rūpaṃ rasaṃ gandhaṃ śabdān sparśāṃśca maithunān
etenaiva vijānāti kimatra pariśiṣyate ? etadvai tat

7.4

svapnāntaṃ jāgaritāntaṃ cobhau yenānupaśyati
mahāntaṃ vibhumātmānaṃ matvā dhīro na śocati

7.5

ya imaṃ madhvadaṃ veda ātmānaṃ jīvamantikāt
¹īśānaṃ bhūtabhavyasya na tato vijugupsate- etadvai tat

7.6

yaḥ pūrvaṃ tapaso jātamadbhyaḥ pūrvamajāyata
guhāṃ praviśya tiṣṭhantaṃ yo ^1bhūtebhirvyapaśyata-etadvai tat

7.7

yā prāṇena saṃbhavati aditirdevatāmayī
guhāṃ praviśya tiṣṭhantī yā ^2bhūtebhirvyajāyata-etadvai tat

7.8

virāḍrūpeṇa dhyeyasyāgnerbrahmarūpatvam
araṇyornihito jātavedā garbha iva subhṛto garbhiṇībhiḥ
dive diva īḍyo jāgṛvadbhirhaviṣmadbhirmanuṣyebhiragniḥ-etadvai tat

7.9

brahmaṇaḥ sūryādijagadadhiṣṭhānatvam
yataścodeti sūryaḥ astaṃ yatra ca gacchati
taṃ devāḥ sarve arpitāstadu nātyeti kaścana-etadvai tat

7.10

yadeveha tadamutra yadamutra tadanviha
mṛtyoḥ sa mṛtyumāpnoti ya iha nāneva paśyati

7.11

manasaivedamāptavyaṃ neha nānāsti kiñcana
mṛtyoḥ sa mṛtyuṃ gacchati ya iha nāneva paśyati

7.12

aṅguṣṭhamātraḥ puruṣo madhya ātmani tiṣṭhati
īśānaṃ bhūtabhavyasya na tato vijugupsate—etadvai tat

7.13

aṅguṣṭhamātraḥ puruṣo jyotirivādhūmakaḥ
īśāno bhūtabhavyasya sa evādya sa u śvaḥ—etadvai tat

7.14

yathodakaṃ durge vṛṣṭaṃ parvateṣu vidhāvati
evaṃ dharmān pṛthak paśyaṃstānevānuvidhāvati

7.15

yathodakaṃ śuddhe śuddhamāsiktaṃ tādṛgeva bhavati
evaṃ munervijānata ātmā bhavati gautama

Linked texts (11)