Dashopanishad 8
Daśopaniṣad 8
- Language
- Sanskrit
8.1
puramekādaśadvāramajasyāvakracetasaḥ
anuṣṭhāya na śocati vimuktaśca vimucyate—etadvai tat
8.3
ham̐saḥ śucisadvasurantarikṣasaddhotā vediṣadatithirduroṇasat
nṛṣadvarasaddatasadvayomasadabjā gojā ṛtajā adrijā ṛtaṃ bṛhat
ūrdhvaṃ prāṇamunnayatyapānaṃ pratyagasyati
madhye vāmanamāsīnaṃ viśvedevā upāsate
8.4
asya visraṃsamānasya śarīrasthasya dehinaḥ
dehādvimucyamānasya kimatra pariśiṣyate--etadvai tat
8.5
na prāṇena nāpānena martyo jīvati kaścana
itareṇa tu jīvanti yasminnetāvupāśritau
8.6
ātmajñānānmuktiḥ tadajñānādvandhaśca
hanta ta idaṃ pravakṣyāmi guhyaṃ brahma sanātanam
yathā ca maraṇaṃ prāpya ātmā bhavati gautama
8.7
yonimanye prapadyante śarīratvāya dehinaḥ
sthāṇumanye'nusaṃyanti yathākarma yathāśrutam
8.8
ya eṣa supteṣu jāgarti kāmaṃ kāmaṃ puruṣo nirmimāṇaḥ
tadeva śukraṃ tadbrahma tadevāmṛtamucyate
tasmim̐llokāḥ śritāḥ sarve tadu nātyeti kaścana—etadvai tat
8.9
agniryathaiko bhuvanaṃ praviṣṭo rūpaṃ rūpaṃ pratirūpo babhūva
ekastathā sarvabhūtāntarātmā rūpaṃ rūpaṃ pratirūpo bahiśca
8.10
vāyuryathaiko bhuvanaṃ praviṣṭo rūpaṃ rūpaṃ pratirūpo babhūva
ekastathā sarvabhūtāntarātmā rūpaṃ rūpaṃ pratirūpo bahiśca
8.11
sūryo yathā sarvalokasya cakṣurna lipyate cākṣuṣairbāhyadoṣaiḥ
ekastathā sarvabhūtāntarātmā na lipyate lokaduḥkhena bāhyaḥ
8.14
ātmano brahmābhedajñānānmuktiḥ
eko vaśī sarvabhūtāntarātmā ekaṃ rūpaṃ bahudhā yaḥ karoti
tamātmasthaṃ ye'nupaśyanti dhīrāsteṣā1sukha1śāśvataṃ netareṣām
nityo nityānāṃ cetanaścetanānāmeko bahūnāṃ yo vidadhāti kāmān
tamātmasthaṃ ye'nupaśyanti dhīrāsteṣāṃ śāntiḥ śāśvatī netareṣām
tadetaditi manyante'nirdeśyaṃ paramaṃ sukham
kathaṃ nu tadvijānīyāṃ kimu bhāti vibhāti vā
8.15
na tatra sūryo bhāti na candratārakaṃ nemā vidyuto bhānti kuto'yamagniḥ
tameva bhāntamanubhāti sarvaṃ tasya bhāsā sarvamidaṃ vibhāti