Different Upanishads 102
Different Upaniṣads 102
- Language
- Sanskrit
102.1
iti tu pañcamyāhutāvāpaḥ puruṣavacaso bhavantīti| sa
ulbāvṛto garbho daśa vā nava vā māsānantaḥ
śayitvā yāvadvātha jāyate
102.2
sa jāto yāvadāyuṣaṃ jīvati taṃ pretaṃ diṣṭamito'gnaya
eva haranti yata eveto yataḥ saṃbhūto bhavati
102.1-2
tadya itthaṃ vidurye ceme'raṇye śraddhā tapa ityupāsate te'rcirabhisaṃbhavantyarciṣo'harahna āpūryamāṇapakṣamāpūryamāṇapakṣādyān ṣaḍudaṅgeti māsāṃstān
102.2-2
māsebhyaḥ saṃvatsaram| saṃvatsarādādityamādityāccandramasaṃ candramaso vidyutaṃ tatpuruṣo'mānavaḥ sa etān brahma gamayatyeṣa devayānaḥ panthā iti
102.3
atha ya ime grāma iṣṭāpūrte dattamityupāsate te dhūmamabhisaṃbhavanti | dhūmādrātriṃ rātreraparapakṣamaparapakṣādyān ṣaḍ dakṣiṇaiti māsāṃstānaite saṃvatsaramabhiprāpnuvanti
102.3-2
mārgagāḥ saṃvatsarāvayavaṣaemāsasamvaddhā api saṃvatsaradevatāmuttaramārgagā
iva prāpnuvanti
102.4
māsebhyaḥ pitṛlokaṃ pitṛlokādākāśamākāśāccandramasameṣa
somo rājā taddevānāmannaṃ taṃ devā bhakṣaya nta
102.5
tasmin yāvatsaṃpātamuṣitvā athaitamevādhvānaṃ punarnivartante
yathetamākāśamākāśādvāyuṃ vāyubhūtvā dhūmo bhavati dhūmo
bhūtvā'bhraṃ bhavati
102.6
abhraṃ bhūtvā megho bhavati| megho bhūtvā pravarṣati| ta iha
vrīhiyavā oṣadhivanaspatayastilamāṣā iti jāyante
ato vai khalu durniṣprapataraṃ yo yo hyannamatti yo retaḥ
siñcati tadbhūya eva bhavati
102.7
tadya iha ramaṇīyacaraṇā abhyāso ha yatte ramaṇīyāṃ yonimāpadyeran brāhmaṇayoniṃ vā kṣatriyayoniṃ vā vaiśyayoniṃ vā | atha ya iha kapūyacaraṇā abhyāso ha yatte kapūyāṃ yonimāpadyeran śvayoniṃ vā sūkarayoniṃ vā cāṇḍālayoniṃ vā
102.8
athaitayoḥ pathorna katareṇa cana tānīmāni kṣudrāṇyasakṛdāvartīni bhūtāni bhavanti | jāyasva mriyasvetyet tṛtīyaṃ sthānaṃ tenāsau loko na saṃpūryate | tasmājjugupseta | tadeṣa ślokaḥ
102.6-2
steno hiraṇyasya surāṃ pibam̐śca gurostalpamāvasan brahmahā
caite patanti catvāraḥ pañcamaścācaram̐stairiti
102.10
atha ha ya etānevaṃ pañcāgnīn veda na sa ha tairapyācaran
pāpmanā lipyate śuddhaḥ pūtaḥ puṇyaloko bhavati
ya evaṃ veda ya evaṃ veda
Linked texts (1)
- Chāndogyopaniṣad C — Rāmānuja Yatirāj, Sanskrit