Different Upanishads 103
Different Upaniṣads 103
- Language
- Sanskrit
Contents
- 103.7 — 1 part
103.1
prācīnaśāla aupamanyavaḥ satyayajñaḥ pauluṣirindradyumno bhāllaveyo
janaḥ śārkarākṣyo buḍila āśvatarāśviste haite mahāśālā
mahāśrotriyāḥ sametya mīmām̐sāṃ cakruḥ ko na ātmā kiṃ brahmeti
103.2
ityevaṃ mīmāṃsataḥ:—
te ha saṃpādayāñcakruḥ uddālako vai bhagavanto'yamāruṇiḥ
saṃpratīmamātmānaṃ vaiśvānaramadhyeti | taṃ hantābhyāṃ
gacchāmeti | taṃ hābhyājagmuḥ
103.3
sa ha saṃpādayāñcakāra prakṣyanti māmime mahāśālā mahāśrotriyā-stebhyo na sarvamiva pratipatsye hantāhamanyamabhyanuśāsānīti
103.4
tān hovāca śraśvapatirvaiṃ bhagavanto'yaṃ kaikeyaḥ saṃpratīmamātmānaṃ vaiśvānaramadhyeti | taṃ hantābhyāgacchāmeti | taṃ hābhyājagmuḥ
103.4-2
smarati | ato vayaṃ taṃ prati hantedānīmabhyāgacchāma abhyupagacchāmetyevamuktvā tamaśvapatiṃ prati te'bhyājagmurupajagmuḥ
103.5
tebhyo ha prāptebhyaḥ pṛthagarhāṇi kārayāñcakāra | sa ha prātaḥ
saṃjihāna uvāca na me steno janapade na kadaryo na madyapaḥ
nānāhitāgnirnāvidvān svairī svairiṇī kutaḥ | yakṣyamāṇo vai
bhagavanto'hamasmi yāvadekaikasmā ṛtvije dhanaṃ dāsyāmi
tāvadbhagavadbhyo dāsyāmi | vasantu bhagavanta iti
103.6
te hocuryana haivārthena puruṣaścaret tam̐ haiva vadedātmānamevemaṃ
vaiśvānaram̐ saṃpratyadhyeṣi tameva no brūhīti
103.7
tā m̐ hovāca prātarvaḥ prativaktāsmīti | te ha samitpāṇayaḥ
pūrvāhṇe praticakramire | tān hānunīyaivaitaduvāca
103.7.p1
iti saptame ekādaśaḥ khaṇḍaḥ || 11
Linked texts (3)
- Chāndogyopaniṣad — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit