Different Upanishads 113
Different Upaniṣads 113
- Language
- Sanskrit
Contents
- 113.5-2 — 2 parts
113.1
atha yāṃ pañcamīṃ juhuyāttāṃ juhuyādudānāya svāhetyudānastṛpyati
113.2
udāne tṛpyati tvak tṛpyati tvaci tṛpyantyāṃ
vāyustṛpyati vāyo tṛpyatyākāśastṛpyatyākāśe tṛpyati yatkiñca
vāyuścākāśaścādhitiṣṭhatastatattṛpyati tasyānu tṛptiṃ tṛpyati
prajayā paśubhirannādyena tejasā brahmavarcaseneti
113.1-2
sa ya idamavidvānagnihotraṃ juhoti yathāṅgārānapohya bhasmani
juhuyāttāddak tatsyāt
113.2-2
atha ya etadevaṃ vidvānagnihotraṃ juhoti tasya sarveṣu lokeṣu
sarveṣu bhūteṣu sarveṣvātmasu hutaṃ bhavati
113.3
tadyatheṣīkātūlamagnau protaṃ pradūyetaivam̐ hāsya sarve pāpmānaḥ
pradūyante ya etadevaṃ vidvānagnihotraṃ jahoti
113.4
tasmādu haivaṃvidyadyapi caṇḍālayocchiṣṭaṃ prayacchedātmani haivāsya
tadvaiśvānare hutam̐ syāditi | tadeṣa ślokaḥ
113.5
yatheha kṣudhitā bālā mātaraṃ paryupāsate | evam̐ sarvāṇi bhūtānyagnihotramupāsata ityagnihotramupāsata iti
113.5-2
yatheha loke kṣudhitā bubhukṣitā bālā mātaraṃ paryupāsate kadā no'nnaṃ prayacchatītyevaṃ sarvāṇi bhūtānyannādīni evaṃvido'gnihotraṃ bhojanamupāsate kadā tvasau bhokṣyata iti, sarvaviddhojanasya sarvajagattṛptihetutvāt | dviruktiradhyāyasamāptyarthā
113.5-2.p1
iti saptame caturviśaḥ khaṇḍaḥ || 24
113.5-2.p2
iti chāndogyabrāhmaṇe saptamaḥ prapāṭhakaḥ
Linked texts (15)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Chāndogyopaniṣatkhaṇḍārtha — Sanskrit
- Sāmavedabrāhmaṇānyaṣṭau — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Īśādidvādaśopaniṣadaḥ — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit
- Vedāntasamanvaya — Gurugovinda Rāya, Sanskrit
- Viṣayavākyadīpikā — Raṅgarāmānuja Muni 1550, Sanskrit
- Vedāntaviṣayavākyadīpikā — Raṅgarāmānuja Muni, Sanskrit