Different Upanishads 115: atha ṣaṣṭho'dhyāyaḥ
Different Upaniṣads 115
- Language
- Sanskrit
Contents
- 115.7 — 1 part
atha ṣaṣṭho'dhyāyaḥ
115.1
oṃ śvetaketurhāruṇeya āsa | taṃ ha pitovāca śvetaketo vasa brahmacaryam | na vai somyāsmatkulīno'nancaya brahmabandhuriva bhavatīti
115.2
ityevaṃ pitroktaḥ—
sa ha dvādaśavarṣaṃ upetya caturviṃśativarṣaḥ sarvānvedānadhītya
mahāmanā anūcānamānī stabdha eyāya | taṃ ha pitovāca śvetaketo yannu somyedaṃ mahāmanā anūcānamānī stabdho'syuta
tamādeśamaprākṣyaḥ
115.3
yenāśrutaṃ śrutaṃ bhavatyamataṃ matamavijñātaṃ vijñātamiti
kathaṃ nu bhagavaḥ sa ādeśo bhavatīti
115.4
ityuktaḥ pitā'nekadṛṣṭāntapurassaraṃ tamupadiśati—
yathā somyaikena mṛtpiṇḍena sarvaṃ mṛnmayaṃ vijñātaṃ syād
vācārambhaṇaṃ vikāro nāmadheyaṃ mṛttiketyeva satyam
115.5
tathā—
yathā somyaikena lohamaṇinā sarvaṃ lohamayaṃ vijñātam̐ syād
vācārambhaṇaṃ vikāro nāmadheyaṃ lohamityeva satyam
115.6
tathā—
yathā somyaikena nakhanikṛntanena sarvaṃ kāṣrṇāyasaṃ vijñātam̐
syādvācārambhaṇaṃ vikāro nāmadheyaṃ kṛṣṇāyasamityeva satyamevam̐
somya sa ādeśo bhavatīti
115.7
ityuktaḥ putra āha—
na vai nūnaṃ bhagavantasta etadavediṣuryaṃddhyetadavediṣyan kathaṃ me nāvakṣyanniti| bhagavām̐stveva
me tadbravītviti tathā somyeti hovāca
115.7.p1
iti aṣṭame prathama khaṇḍaḥ || 1
Linked texts (3)
- Chāndogyopaniṣad — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit