Different Upanishads 116
Different Upaniṣads 116
- Language
- Sanskrit
Contents
- 116.4-2 — 1 part
116.1
evaṃ pratijñātamekavijñānena sarvavijñānaṃ vaktumāha—
sadeva somyedamagra āsīdekamevādvitīyam| taddhaika āhurasadevedamagra āsīdekamevādvitīyam| tasmādasataḥ sajjāyata
116.2
kutastu khalu somyaivaṃ syāditi hovāca kathamasataḥ sajjāyeteti
sattveva somyedamagra āsīdekamevādvitīyam
116.3
tadaikṣata bahu syāṃ prajāyeyeti | tattejo'sṛjata | tatteja aikṣata bahu syāṃ prajāyeyeti | tadapo'sṛjata | tasmādyatra ka ca śocati svedate vā puruṣastejasa eva tadadhyāpo jāyante
116.4
tā āpa aikṣanta bahavyaḥ syāma prajāyemahīti | tā annamasṛjanta | tasmādyatra ka ca varṣati tadeva bhūyiṣṭhamannaṃ bhavatyadbhya eva tadadhyannādyaṃ jāyate
116.4-2
tā āpaḥ pūrvavadākāramāpannaṃ brahmaikṣata bahvyaḥ prabhūtāḥ syāma
bhavāma prajāyemahi utpadyemahīti | evamīkṣitvā tā āpastadavacchinnaṃ
brahma annaṃ pṛthivīlakṣaṇamasṛjata | atrāpi lokaprasiddhiṃ pramāṇayati—
tasmādit | yasmādakāryamannaṃ tasmādyatra ka ca deśe varṣati tattatraiva
bhūyiṣṭhaṃ prabhūtamannaṃ bhavatyato'dbhya eva tadannādyam annaṃ ca tadādyaṃ cānnādyaṃ
vrīhyādyapi jāyate | evaṃ pārthivānnasya adbhya utpattikathanena pṛthivyā
evādbhyaḥ prabhavatvaṃ sādhyate ityarthaḥ
116.4-2.p1
iti aṣṭame dvitīyaḥ khaṇḍaḥ || 2