Different Upanishads 117
Different Upaniṣads 117
- Language
- Sanskrit
117.1
atha jīvāviṣṭhānāṃ bhautikānāmapi paramparayā brahmakāryatva vaktu
tānyanuvadati—
teṣāṃ khalveṣāṃ bhūtānāṃ trīṇyeva bījāni
bhavantyāṇḍajaṃ jīvajamudbhijjajamiti
117.2
seyaṃ devataikṣata hantāhamimāstisro devatā anena
jīvenātmanānupraviśya nāmarūpe vyākaravāṇīti
117.3
tāsāṃ trivṛtaṃ trivṛtamekaikāṃ karavāṇīti | seyaṃ devatemāstisro
devatā anenaiva jīvenātmanānupraviśya nāmarūpe vyākarot
117.4
tāsāṃ trivṛtaṃ trivṛtamekaikāmakarot | yathā nu khalu somyemāstisro
devatāstrivṛttrivṛdekaikā bhavati | tanme vijānīhīti
117.1-2
yadagne rohitam̐ rūpaṃ tejasastadrūpaṃ yacchuklaṃ tadapāṃ yatkṛṣṇaṃ
tadannasyāpāgādagneragninatvaṃ vācārambhaṇaṃ vikāro nāmadheyaṃ
trīṇi rūpāṇītyeva satyam
117.2-2
yadādityasya rohitam̐ rūpaṃ tejasastadrūpaṃ yacchuklaṃ tadapāṃ yatkṛṣṇaṃ
tadannasyāpāgādādityādādityatvaṃ vācārambhaṇaṃ vikāro nāmadheyaṃ trīṇi rūpāṇītyeva satyam
117.3-2
yaccandramaso rohitam̐ rūpaṃ
tejasastadrūpaṃ yacchuklaṃ tadapāṃ yatkṛṣṇaṃ tadannasyāpāgāt candrācacandratvaṃ vācārambhaṇaṃ vikāro nāmadheyaṃ trīṇi rūpāṇītyeva
satyam
117.4-2
yadvidyuto rohitam̐ rūpaṃ tejasastadrūpaṃ yacchuklaṃ
tadapāṃ yatkṛṣṇaṃ tadannasyāpāgād vidyuto vidyutvaṃ vācārambhaṇaṃ
vikāro nāmadheyaṃ trīṇi rūpāṇītyeva satyam
117.5
etaddha sma vai tadvidvām̐ sa āhuḥ pūrve mahāśālā mahāśrotriyā
na no'dya kaścanāśrutamamatamavijñātamudāhariṣyatīti hyebhyo
vidāñcakruḥ
117.7
śvakuḥ| yathā nu khalu somyemāstisro devatāḥ puruṣaṃ prāpya
trivṛttrivṛdekaikā bhavati tanme vijānīhīti
Linked texts (1)
- Mantrapuṣpa — Sanskrit