Different Upanishads 118
Different Upaniṣads 118
- Language
- Sanskrit
118.1
annamaśitaṃ tredhā vidhīyate| tasya yaḥ sthaviṣṭho dhātustatpurīṣaṃ
bhavati| yo madhyamastanmāṃsaṃ yo'ṇiṣṭhastanmanaḥ
118.2
āpaḥ pītāstredhā vidhīyante| tāsāṃ yaḥ sthaviṣṭho dhātustanmūtraṃ
bhavati| yo madhyamastallohitam| yo'ṇiṣṭhaḥ sa prāṇaḥ
118.3
tejo'śitaṃ tredhā vidhīyate| tasya yaḥ sthaviṣṭho dhātustadasthi
bhavati| yo madhyamaḥ sa majjā| yo'ṇiṣṭhaḥ sā vāk
118.3-2
sā vāk tailādibhakṣaṇe hi vāgbhāṣaṇasamarthā | samānamanyat
118.4
uktamupasaṃharati—
annamayam̐ hi somya mana āpomayaḥ prāṇastejomayī vāgiti bhūya eva mā bhagavān vijñāpayatviti | tathā somyeti hovāca
118.1-2
evaṃ pratijñātamāha—
dadhnaḥ somya mathyamānasya yo'ṇimā sa ūrdhvaḥ samudīṣati tatsarpirbhavati
118.2-2
evameva khalu somyānnasyāśyamānasya yo'ṇimā sa ūrdhvaḥ samudīṣati tanmano bhavati
118.3-3
apāṃ somya pīyamānānāṃ yo'ṇimā sa ūrdhvaḥ samudīṣati sa prāṇo bhavati
118.4-2
tejasaḥ somyāśyamānasya yo'ṇimā sa ūrdhvaḥ samudīṣati sā vāgbhavati
118.5
annamayam̐ hi somya mana āpomayaḥ prāṇastejomayī vāgiti bhūya eva mā bhagavānvijñāpayatviti | tathā somyeti hovāca