Different Upanishads 12: atha dvitīyaḥ praśnaḥ

Different Upaniṣads 12

Language: Sanskrit

12.13 — 1 part

atha dvitīyaḥ praśnaḥ

12.1

atha hainaṃ bhārgavo vaidarbhiḥ papraccha | bhagavan katyeva
devāḥ prajāṃ vidhārayante katara etatprakāśayante
kaḥ punareṣāṃ variṣṭha iti

12.2

tasmai sa hovāca ākāśo ha vā eṣa devo vāyuragnirāpaḥ
pṛthivī vāṅmanaścakṣuḥ śrotraṃ ca| te prakāśyābhivadanti
vayametadviāṇamavaṣṭabhya vidhārayāmaḥ

12.3

tānvariṣṭhaḥ prāṇa uvāca ca mā mohamāpadyatha
ahamevaitat pañcadhā'tmānaṃ pravibhajyaitadavāṇamavaṣṭabhya vidhārayāmīti

te'śraddadhānā babhūvuḥ so'bhimānādūrdhvamutkramata iva,
tasminnutkrāmatyathetare sarvaṃ evotkrāmante, tasmim̐śca
pratiṣṭhamāne sarvaṃ eva prātiṣṭhante| tadyathā makṣikā madhukara rājānamutkrāmantaṃ sarvā evotkrāmante, tasmim̐śca
pratiṣṭhamāne sarvā eva prātiṣṭhanta evaṃ vāṅmanaścakṣuḥ
śrotraṃ ca te prītāḥ prāṇaṃ stuvanti

12.5

eṣo'gnistapatyeṣa sūryaṃ eṣa parjanyo
maghavāneṣa vāyureṣa pṛthivī rayirdevaḥ
sadasaccāmṛtaṃ ca yat

12.6

arā iva rathanābhau prāṇe sarvaṃ pratiṣṭhitam
ṛco yajūṃṣi sāmāni yajñaḥ kṣatraṃ brahma ca

12.7

kiñca—
prajāpatiścarasi garbhe tvameva pratijāyase
tubhyaṃ prāṇa prajāstvimā baliṃ haranti yaḥ
prāṇaiḥ pratitiṣṭhasi

12.8

devānāmasi vahnitamaḥ pitṝṇāṃ prathamā svadhā
ṛṣīṇāṃ caritaṃ satyamatharvāṅgirasāmasi

12.9

indrastvaṃ prāṇa tejasā, rudro'si parirakṣitā
tvamantarikṣe carasi sūryastvaṃ jyotiṣāṃ patiḥ

12.10

yadā tvamabhivarṣaṃsyathemāḥ prāṇate prajāḥ
ānandarūpā stiṣṭhanti kāmāyānnaṃ bhaviṣyatīti

12.11

trātyastvaṃ prāṇaika ṛṣirattā viśvasya satpatiḥ
vayamādyasya dātāraḥ pitā tvaṃ mātariśvanaḥ

12.12

yā te tanūrvāci pratiṣṭhitā yā śrotre yā ca cakṣuṣi
yā ca manasi santatā śivāṃ tāṃ kuru motkramīḥ

12.13

prāṇasyedaṃ vaśe sarvaṃ tridive yatpratiṣṭhitam
māteva putrān rakṣasva śrīśca prajñāṃ ca vidhehi naḥ

12.13.p1

iti dvitīyaḥ praśnaḥ || 2