Different Upanishads 120
Different Upaniṣads 120
- Language
- Sanskrit
Contents
- 120.7 — 1 part
120.1
uddālako hāruṇiḥ śvetaketuṃ putramuvāca svapnāntaṃ me somya
vijānīhīti | yatraitatpuruṣaḥ svapiti nāma satā somya tadā
sampanno bhavati svamapīto bhavati | tasmādenam̐ svapitītyācakṣate svam̐ hyapīto bhavati
120.2
sa yathā śakuniḥ sūtreṇa prabaddho diśaṃ diśaṃ patitvā'nyatrā''yatanamalabdhvā bandhanamevopaśrayata evameva khalu somya tanmano diśaṃ
diśaṃ patitvā'nyatrā''yatanamalabdhvā prāṇamevopaśrayate | prāṇabandhanam̐ hi somya mana iti
120.3
aśanāpipāse me somya vijānīhīti | yatraitat puruṣo'śiśiṣati
nāmā''pa eva tadaśitaṃ nayante | tadyathā gonāyo'śvanāyaḥ puruṣanāya ityevam | tadapa ācakṣate'śanāyeti | tatraitacchuṅgamutpatitam̐
somya vijānīhi nedamamūlaṃ bhaviṣyatīti
120.4
tasya kva mūlam̐ syādanyatrāānnāt | evameva khalu somyānnena śuṅgenāpomūlamanviccha | adbhiḥ somya śuṅgena tejomūlamanviccha
tejasā somya śuṅgena sanmūlamanviccha | sanmūlā: somyemāḥ
sarvāḥ prajāḥ sadāyatanāḥ satpratiṣṭhāḥ
120.5
athāpśuṅgadvārāpi sadadhigamamāha—
atha yatraitatpuruṣaḥ pipāsati nāma teja eva tatpītaṃ nayate| tadyathā gonāyo'śvanāyaḥ puruṣanāya ityevam| tatteja ācaṣṭa udanyeti| tatraitadeva śuṅgamutpatitam̐ somya vijānīhi nedamamūlaṃ bhaviṣyatīti
120.6
tasya kva mūlam̐ syādanyatrādbhyaḥ| adbhiḥ somya śuṅgena tejomūlamanviccha| tejasā somya śuṅgena sanmūlamanviccha| sanmūlāḥ somyemāḥ sarvāḥ prajāḥ sadāyatanāḥ satpratiṣṭhāḥ| yathā nu khalu somyemāstisro devatāḥ puruṣaṃ prāpya trivṛttrivṛdekaikā bhavati
bhavatyasya somya puruṣasya prayato vāṅ manasi sampadyate manaḥ prāṇe prāṇastejasi tejaḥ parasyāṃ devatāyām
120.7
sa ya eṣo'ṇimā| etadātmyamidaṃ sarvaṃ tatsatyaṃ sa ātmā tattvamasi śvetaketo iti| bhūya eva mā bhagavān vijñāpayatviti| tathā somyeti hovāca
120.7.p1
iti aṣṭame aṣṭamaḥ khaṇḍaḥ || 8