Different Upanishads 122
Different Upaniṣads 122
- Language
- Sanskrit
Contents
- 122.3 — 1 part
122.1
imāḥ somya nadyaḥ purastāt prācyaḥ syandante paścātpratīcyastāḥ
samudrātsamudramevāpiyanti samudra eva bhavanti| tā yathā tatra na
viduriyamahamasmi iyamahamasmīti
122.1-2
he somya imāḥ prācyaḥ prāgaṅganā gaṅgādyā nadyaḥ purastātpūrvāṃ diśaṃ
prati syandante sravanti| tathā pratīcyaḥ pratīcīmaṅgantīti pratīcyaḥ
sindhvādyā nadyaḥ| paścātpratīcīṃ diśaṃ syandante tā nadyaḥ samudrādambho·
nivejaladharairākṣiptāḥ punarvṛṣṭirūpeṇa patitā gaṅgādinadīrūpiṇyaḥ satyaḥ
punaḥ samudramevāpiyanti samudrakatāṃ gacchanti| ataḥ sa prasiddhaḥ
samudra eva bhavati| tā nadyo yathā tatra samudre samudrātmanaikatāṃ gatā
na viduriyaṃ gaṅgā'hamasmi, iyaṃ sindhvahamasmītyevaṃ tathā gatā api na
vijānanti
122.2
evameva khalu somyemāḥ sarvāḥ prajāḥ sata āgamya na viduḥ sata
āgacchāmaha iti| ta iha vyāghro vā siṃho vā vṛko vā varāho
vā kīṭo vā pataṅgo vā daṃśo vā maśako vā yadyadbhavanti tadā
bhavanti
122.3
sa ya eṣo'ṇimā| aitadātmyamidaṃ sarvaṃ tatsatyaṃ sa ātmā
tattvamasi śvetaketo iti| bhūya eva mā bhagavān vijñāpayatiti| tathā somyeti hovāca
122.3.p1
iti aṣṭame daśamaḥ khaṇḍaḥ || 10