Different Upanishads 125
Different Upaniṣads 125
- Language
- Sanskrit
125.1
puruṣam̐ somyopatāpinaṃ jñātayaḥ paryupāsate jānāsi māṃ jānāsi māmiti| tasya yāvanna vāṅmanasi saṃpadyate manaḥ prāṇe prāṇastejasi tejaḥ parasyāṃ devatāyāṃ tāvajjānāti
125.2
atha yadāsya vāṅmanasi saṃpadyate manaḥ prāṇe prāṇastejasi tejaḥ parasyāṃ devatāyāmatha na jānāti
125.3
sa ya eṣo'ṇimā| aitadātmyamidam̐ sarvaṃ tatsatyam̐ sa ātmā tattvamasi śvetaketo iti| bhūya eva mā bhagavān vijñāpayatviti| tathā somyeti hovāca
125.1-2
puruṣam̐ somyota hastagṛhītamānayantyapahārṣīt steyamakārṣītparaśumasmai tapateti| sa yadi tasya kartā bhavati tata evānṛtamātmānaṃ kurute so'nṛtābhisandho'nṛtenātmānamantardhāya paraśuṃ taptaṃ pratigṛhṇāti| sa dahyate'tha hanyate
125.2-2
atha yadi tasyākartā bhavati tata eva satyamātmānaṃ
kurute | sa satyābhisandhaḥ satyenātmānamantardhāya paraśuṃ
taptaṃ pratigṛhṇāti | sa na dahyate'tha mucyate
125.3-2
sa yathā tatra nādāhyet | etadātmyamidam̐ sarvaṃ tatsatyam̐ sa
ātmā tattvamasi śvetaketo iti | taddhāsya vijajñāviti
vijajñāviti
125.1-3
oṃ | adhīhi bhagava iti hopasāda sanatkumāraṃ nāradaḥ | taṃ
hovāca yadvettha tena mopasīda tatasta ūrdhvaṃ vakṣyāmīti
125.2-3
sa hovācaivaṃ bhagavo'dhyemi yajurvedaṃ sāmavedamātharvaṇaṃ caturthamitihāsapurāṇaṃ pañcamaṃ vedānāṃ vedaṃ pitryaṃ rāśi daivaṃ nidhiṃ
vākovākyamekāyanaṃ devavidyāṃ brahmavidyāṃ bhūtavidyāṃ kṣatravidyāṃ
nakṣatravidyām̐ sarpadevajanavidyāmetadbhagavo'dhyemi
125.3-3
so'haṃ bhagavo mantravidevāsmi nātmavit| śrutaṃ hyeva me bhagavaddṛśebhyastarati śokamātmaviditi| so'haṃ bhagavaḥ śocāmi taṃ mā
bhagavānśrokasya pāraṃ tārayatviti| taṃ hovāca yadvai kiñcaitadadhyagīṣṭhā nāmaivaitat
125.4
nāma vā ṛgvedo yajurvedaḥ sāmaveda ātharvaṇaścaturtha itihāsapurāṇaḥ pañcamo vedānāṃ vedaḥ pitryo rāśirdaivo nidhirvākovākyamekāyanaṃ devavidyā brahmavidyā bhūtavidyā kṣatravidyā nakṣatravidyā
sarpadevajanavidyā nāmaivaitannāmopāssveti
125.5
sa yo nāma brahmetyupāste yāvannāmno gataṃ tatrāsya yathākāmacāro
bhavati yo nāma brahmetyupāste| asti bhagavo nāmno bhūya iti
nāmno vāva bhūyo'stīti| tanme bhagavān bravītviti